ହରଭଙ୍ଗା ଚାରିଛକରେ ରାସ୍ତାରେ ସୃଷ୍ଟି ହୋଇଛି ମୃତ୍ୟୁର ଫାଶ!
![](https://samajalive.in/wp-content/uploads/2024/08/4-7-750x430.jpg)
ହରଭଙ୍ଗା: ହରଭଙ୍ଗା – ଚାରିଛକ ପୂର୍ତ୍ତ ରାସ୍ତାର କଙ୍କଡାପଥର ପୋଲ ଉପରେ ସୃଷ୍ଟି ହୋଇଥିବା ବଡ଼ ଗର୍ତ୍ତ ଏବେ ପଥଚାରୀଙ୍କ ପାଇଁ ମୃତ୍ୟୁର ଫାଶ ସୃଷ୍ଟି କରିଛି। ହରଭଙ୍ଗା ଠାରୁ ଚାରିଛକ ଦୀର୍ଘ ୨୨ କିଲୋମିଟର ରାସ୍ତାରେ ପ୍ରତିଦିନ ଶହ ଶହ ଭାରିଯାନ ଚଳା ଚଳ ଯୋଗୁଁ ରାସ୍ତାଟି ଖାଲଖମାରେ ପରିଣତ ହୋଇଛି। ଏପରିକି ରାସ୍ତାର କଙ୍କଡାପଥର ପୋଲ ଉପରେ ବିରାଟ ଗର୍ତ୍ତ ଯୋଗୁଁ ଅନେକ ସମୟରେ ଦୁର୍ଘଟଣା ଘଟୁଥିବା ନଜରକୁ ଆସୁଛି। ଗତ କିଛି ମାସତଳେ ଦୁର୍ଘଟଣାରେ ଜଣେ ବାଇକ ଆରୋହୀଙ୍କ ମୃତ୍ୟୁ ଘଟିଥିବା ନଜରକୁ ଆସିଛି। ଏଣୁ ରାସ୍ତା ଉପରେ ସୃଷ୍ଟି ହୋଇଥିବା ଗର୍ତ୍ତ ମରାମିତି ସହ ଉକ୍ତ ରାସ୍ତାର ଉର୍ନ୍ନତିକରଣ ଦିଗରେ ପୂର୍ତ୍ତ ବିଭାଗ ସ୍ୱତନ୍ତ୍ର ଦୃଷ୍ଟି ଦେବାକୁ ସାଧାରଣରେ ଦାବୀ ହେଉଛି।
Comments are closed.