ଗୁରୁଡିଝାଟିଆ: ଖୁଣ୍ଟୁଣୀ ଥାନାର ପଥରକଟା ଓ ରାଧାକିଶୋରପୁରର ୨ଟି ସ୍ଥାନରେ ଚୋରି ଘଟଣାରେ ପୁଲିସ ୩ଜଣଙ୍କୁ ଗିରଫ କରି ହାଜାତ ଚାଲାଣ କରିଥିବାବେଳେ ସେମାନଙ୍କ ଠାରୁ ନଗଦ ଟଙ୍କା, ମୋବାଇଲ ଫୋନ ଓ ଚୋରିରେ ବ୍ୟବହୃତ ଏକ ରଡକୁ ଜବତ କରିଛି।
୧ ତାରିଖ ଦିନ ରାଧାକିଶୋରପୁର ଅନୁସୂଚିତ ଜାତି ସାହିର ବିଜୟ କୁମାର ଦଳାଇଙ୍କ ଘରୁ ଦୁର୍ବୁତ୍ତମାନେ ଟଙ୍କା ଓ ସାର୍ଟିଫିକେଟ ଚୋରି କରିନେଇଥିବା ବେଳେ ଗତକାଲି ରାତିରେ ପଥରକଟା ଗ୍ରାମର ସରସ୍ୱତୀ ଦେବୀ କାନୁଡିଆଙ୍କ ତେଜରାତି ଦୋକାନରୁ ଟଙ୍କା, ସଉଦା ସାମଗ୍ରୀ ଓ ଏକ ମୋବାଇଲ ଫୋନ ଚୋରି କରିନେଇଥିଲେ।
- Advertisement -
ଏହି ମାମଲାରେ ପୁଲିସ ତଦନ୍ତ କରି ସେବାଶିଷ ଦାସ (୨୭) ,ମନୋଜ କୁମାର ବସ୍ତିଆ(୨୭) ଓ ଗଣେଶ୍ୱର ବେହେରା ଅଭିଯୁକ୍ତଙ୍କୁ ଗିରଫ କରି ହାଜତ ଚାଲାଣ କରିଛି। ସମସ୍ତ ଙ୍କ ଘର ଖୁଣ୍ଟୁଣୀ ଥାନା ଅଞ୍ଚଳରେ ବୋଲି ପୁଲିସ ସୂତ୍ରରୁ ପ୍ରକାଶ।
