ଗୁରୁଡିଝାଟିଆ: ଭାତୃତ୍ୱ,ସଂପ୍ରିତି ଓ ବନ୍ଧୁତ୍ୱର ମିଳନ ବାରୁଣୀ ବୁଡ। ଗଡଜାତ ଓ ମୋଗଲବନ୍ଦୀ ଅଞ୍ଚଳର ଜନସାଧାରଣଙ୍କ ଭିତରେ ସଦଭାବ ଓ ମୈତ୍ରୀ ପ୍ରତିଷ୍ଠା ଉଦ୍ଦେଶ୍ୟରେ ରାଜା ରାଜୁଡା ସମୟରେ ବ୍ରହ୍ମପୁର ସ୍ଥିତ ମହାନଦୀର ସିଦ୍ଧନାରୀୟଣୀ ଘାଟରେ ବିମାନରୁଢ ଦିଅଁମାନଙ୍କ ବୁଡ ଅନୁଷ୍ଠିତ ହୋଇଥାଏ।
ଅନୁରୂପ ଭାବେ ମୋଗଲବନ୍ଦୀ ଅଞ୍ଚଳ କଖଡିରେ ମହାପ୍ରଭୂ ସର୍ପେଶ୍ୱର ଓ ଧବଳେଶ୍ୱରଙ୍କ ମହାମିଳନ ପର୍ବ ଅନୁଷ୍ଠିତ ହୋଇଥାଏ। ଏହା ନଦୀକୂଳ ଅଞ୍ଚଳରେ ଆଧ୍ୟାତ୍ମିକ ଭାବଧାରାକୁ ମଜବୁତ୍ କରିବାରେ ସହାୟକ ହୋଇଥାଏ। ଚଳିତବର୍ଷ ଆଠଗଡ ନିର୍ବାଚନ ମଣ୍ଡଳୀ ଅନ୍ତର୍ଗତ ଟାଙ୍ଗି-ଚୌଦ୍ୱାର ବ୍ଲକର କଖଡି ଠାରେ ଆସନ୍ତା ଶୁକ୍ରବାର ବିଳମ୍ବିତ ରାତ୍ରୀରେ ମହାପ୍ରଭୂ ସର୍ପେଶ୍ୱର ଓ ଧବଳେଶ୍ୱରଙ୍କ ମହାମିଳନ ଅନୁଷ୍ଠିତ ହେବ। କଖଡି ଗ୍ରାମ୍ୟ କମିଟି ପକ୍ଷରୁ ଉଭୟ ଦିଅଁଙ୍କ ସହିତ ପାଶ୍ୱର୍ବର୍ତ୍ତି ଗାଁମାନଙ୍କରୁ ଆସିଥିବା ବିମାନରୁଢ ଦିଅଁଙ୍କୁ ନୈବେଦ୍ୟ ଅର୍ପଣ କରାଯାଇଥାଏ।
ସକାଳୁ ତଥା ଶନିବାର ସମସ୍ତ ବିମାନରୁଢ ଦିଅଁ ମହାନଦୀର ଖୁଣ୍ଟୁଣୀ ଥାନା ଅନ୍ତର୍ଗତ ବ୍ରହ୍ମପୁର ର ସିଦ୍ଧନାରାୟଣୀ ଘାଟରେ ମିଳନ ହୋଇଥାନ୍ତି ବାରୁଣୀ ସ୍ନାନ କରିବା ନିମନ୍ତେ। ଚଳିତବର୍ଷ ବାରୁଣୀ ସ୍ନାନ ଶନିବାର ୬ ତାରିଖ ଦିନ ୧୧ଟା ୪୫ ମିନିଟ ସମୟରେ ଅନୁଷ୍ଠିତ ହେବାର ଧାର୍ଯ୍ୟ କରାଯାଇଛି। ବୁଡ ପାଇଁ ଜିଲ୍ଲା ତଥା ଅନ୍ୟାନ୍ୟ ସ୍ଥାନରୁ ଶହଶହ ଶ୍ରଦ୍ଧାଳୁ ମନସ୍କାମନା ପୁରଣ ପାଇଁ ବୁଡ ପକାଇଥାଆନ୍ତି।
Comments are closed.