ଗୁରୁଡିଝାଟିଆ: ମହାନଦୀର ବନ୍ୟାରେ ମଞ୍ଚେଶ୍ୱର କଖଡି, ଧୁରୁଷିଆ, ଅନନ୍ତପୁର ପଞ୍ଚାୟତ ବାହ୍ୟଜଗତରୁ ବିଚ୍ଛିନ୍ନ ହୋଇଥିଲା । ପୁରୁଣା କଟକ-ସମ୍ବଲପୁର ରାସ୍ତାର ନୂଆପାଟଣା ଠାରୁ ଘଣ୍ଟିଖାଲ ପର୍ଯ୍ୟନ୍ତ ରାସ୍ତା ଉପରେ ବନ୍ୟାଜଳ ପ୍ରବାହିତ ହେଉଥିଲା । ଫଳରେ ୮ ଦିନ ଧରି ଏହି ରାସ୍ତା ଦେଇ ଯାନବାହାନ ଚଳାଚଳ ସଂପୂର୍ଣ୍ଣ ବନ୍ଦ ରହିଥିଲା । ଆଜି ସକାଳୁ ନିଧିପୁର ଗଡା ନିକଟରେ ବନ୍ୟାଜଳ ହ୍ରାସ ପାଇଥିବାରୁ ଯାନବାହାନ ଚଳାଚଳ ସ୍ୱାଭାବିକ ହୋଇଛି । ଫଳରେ ପଶ୍ଚିମ ଓଡିଶାର ଅନୁଗୁଳ, ସମ୍ବଲପୁର ଜିଲ୍ଲାରୁ କଟକ ଭୁବନେଶ୍ୱର ଯିବା ପାଇଁ ଏହି ରାସ୍ତା ସୁଗମ ହୋଇଛି । ବନ୍ୟା ସମୟରେ ଦୀର୍ଘ ୮ ଦିନ ଧରି ରାସ୍ତାରେ ଚଳାଚଳ ସଂପୂର୍ଣ୍ଣ ବନ୍ଦ ହୋଇଥିବାରୁ ଗାଡିଚାଳକମାନେ ନାହିଁ ନଥିବା ଅସୁବିଧାର ସମ୍ମୁଖିନ ହୋଇଥିଲେ । ଏପରିକି ଜଣେ ଗାଡିଚାଳକ ପୁରୀରୁ ଅନୁଗୁଳ ଯାଉଥିବା ବେଳେ ବନ୍ୟାଜଳରେ ଭାସିଯାଇଥିଲା । ସ୍ଥାନୀୟ ଜନସାଧାରଣ ଓ ଅଗ୍ନିଶମ ବାହିନୀର ତ୍ୱରିତ ପଦକ୍ଷେପ ପରେ କାରରେ ଥିବା ୪ଜଣ ଉଦ୍ଧାର ପାଇଥିଲେ ।
Comments are closed.