ଗୁଣୁପୁର: ରାୟଗଡା ଜିଲ୍ଲା ରାମନାଗୁଡା ବ୍ଲକ ଅନ୍ତର୍ଗତ ଗୁମୁଡା ନିକଟ ସୁତରାଜପୁର ଠାରେ ଏକ ମର୍ମନ୍ତୁଦ ଦୁର୍ଘଟଣା ଘଟି ଜଣେ ବ୍ୟକ୍ତିର ମୃତ୍ୟୁ ଘଟିଛି । ନୂଆଗଡ଼ରୁ ରାମନାଗୁଡା ଅଭିମୁଖେ ଦୁଇ ଜଣ ଯୁବକ ଏକ ବାଇକ ଯୋଗେ ଯାତ୍ରା କରୁଥିବା ବେଳେ ରାମନାଗୁଡା ନିକଟ ଗୋସେଇଁ ଗୁଲୁମୁଣ୍ଡା ଠାରୁ ଏକ ବାହାଘର ଭୋଜି ରୋଷେଇ ସାରି ନିଜ ଘର ଲିମାପଦରକୁ ଅନ୍ୟ ଏକ ବାଇକରେ ତିନି ଜଣ ଫେରୁଥିବା ସମୟରେ ସୁତରାଜପୁର ନିକଟ ମୋଡ଼ରେ ୨ ବାଇକ ମୁହାଁମୁହିଁ ଧକ୍କା ହେବା ଫଳରେ ଘଟଣା ସ୍ଥଳରେ ଲିମାପଦରର ରମେଶ ପଣ୍ଡା ନାମକ ବ୍ୟକ୍ତିଙ୍କର ମୁତ୍ୟୁ ଘଟିଥିବା ଜଣାପଡିଛି। ଅନ୍ୟ ଚାରି ଜଣଙ୍କ ମଧ୍ୟରୁ ତିନି ଜଣ ଆହତ ହୋଇଥିବା ବେଳେ ଜଣେ ଯୁବକ ଗୁରୁତର ଥିବା ସୂଚନା ମିଳିଛି। ଏହି ଚାରି ଆହତ ବ୍ୟକ୍ତିଙ୍କୁ ୧୦୮ ଆମ୍ବୁଲାନ୍ସ ଯୋଗେ ଗୁଣୁପୁର ଉପଖଣ୍ଡ ଚିକିତ୍ସାଳୟକୁ ପଠାଯାଇଥିବା ଜଣାପଡିଛି।
Popular Categories
Previous article
Next article