ଗୁଣୁପୁର: ସାଥୀ ମାଈହାତୀକୁ ଖୋଜି ପୁଣି ବିଦ୍ୟୁତ୍ ଖୁଣ୍ଟ ଭାଙ୍ଗିଲା ଦନ୍ତା। ଫଳରେ ନାକେଦମ୍ ହୋଇଛି ବନ ବିଭାଗ। ବୂଧବାର ଗୁଣପୁର ରେଞ୍ଜ୍ ପଦ୍ମପୁର ସେକ୍ସନରେ ଫୁଲପୁଟିଠାରେ ଦୁଇ ଟିକିଆ ହାତୀପଲରୁ ଗୋଟିଏ ମାଈହାତୀର ମୃତ୍ୟୁ ଘଟିଥିଲା। ହାତୀଦ୍ବୟ ପାଖ କପା ବାଡରେ ଥିବା କୁଡିଆ ଓ ବିଦ୍ୟୁତ୍ ଖୁଣ୍ଟକୁ ଭାଙ୍ଗିଥିଲେ। ବିଦ୍ୟୁତ ଆଘାତରେ ମାଈହାତୀର ମୃତ୍ୟୁ ହୋଇଥିବା ବନ ବିଭାଗ ଅଧିକାରୀଙ୍କ ପକ୍ଷରୁ ଜଣାପଡ଼ିଥିଲା। ହାତୀ ଶବକୁ ବ୍ୟବଛେଦ କରାଇଛି ବନ ବିଭାଗ। ମାଈହାତୀ ମୃତ୍ୟ ପରେ ସାଥିରେ ଥିବା ଦନ୍ତାହାତୀ ପୁଣି ଅଞ୍ଚଳରେ ବିଳମ୍ବିତ ରାତ୍ରିରେ ନାକେଦମ୍ କରିଛି। ଦୁଇ ଦିନ ଧରି ଗ୍ରାମାଞ୍ଚଳରେ ବିଦ୍ୟୁତ ସେବା ବନ୍ଦ ରହିଥିବା ଜଣାପଡ଼ିଛି। ଦନ୍ତା ହାତୀ ପୁଣି ବିଦ୍ୟୁତ ଖୁଣ୍ଟ ଓ ନଳକୂପ ଭାଙ୍ଗିବା ସହ ପାଖ ବାଡ ଗଛକୁ ନଷ୍ଟ କରିଛି। ସାଥି ମାଈହାତୀର ମୃତ୍ୟ ପରେ ଦନ୍ତା ହାତୀ ଏକା ହୋଇଥିବାରୁ ଉତ୍ୟକ୍ତ ରହିଥିବା ଅନୁମାନ କରୁଛି ବନବିଭାଗ। ପାଖ ଗ୍ରାମ ତରାମାଳ ଅଞ୍ଚଳରେ ଦନ୍ତାହାତୀ ରହିଛି। ତାର ଗତି ବିଧି ଉପରେ ନଜର ରଖିଛି ବନ ବିଭାଗ। ପୂର୍ବରୁ ଏହି ହାତୀ ଛଅ ଟିକିଆ ହାତୀପଲରେ ରହିଥିଲା। ସେଥିରୁ ଓଡ଼ିଶା ସୀମାନ୍ତ ଆନ୍ଧ୍ରର ବାତିଲି କାଟ୍ରାଗଡ଼ାଠାରେ ଗତବର୍ଷ ୪ଟି ହାତୀର ମୃତ୍ୟୁ ହୋଇଥିଲା। ଆଉ ଗୋଟିଏ ହାତର ଗତକାଲି ମୃତ୍ୟୁ ଘଟିଛି। ଏବେ ଏକା ହୋଇଯାଇଛି ଦନ୍ତା ହାତୀ।
Popular Categories
Previous article
Next article