ବେଙ୍ଗାଲୁରୁ : କର୍ଣ୍ଣାଟକରେ ସାପର ଏଭଳି ଏକ ଭିଡିଓ ସାମ୍ନାକୁ ଆସିଛି, ଯାହାକୁ ଦେଖି ଭୟଭୀତ ହୋଇଯିବେ । ଏଠାରେ ଜଣକ ଶୋଇବା କକ୍ଷରେ ଏକ ଅହିରାଜ ଏପରି ସ୍ଥାନରେ ଲୁଚି ଥିଲା, ଯାହାକୁ ଦେଖି କାବା ହୋଇଯିବେ । ୯ ଫୁଟ୍ ଲମ୍ବ ବିଶିଷ୍ଟ ଏହି ଅହିରାଜ ସାପ ଶୋଇବା କକ୍ଷରେ ଉଚ୍ଚ ଥାକରେ ଥିବା ଏକ କାଠ ବାକ୍ସ ମଧ୍ୟରେ ଲୁଚି ରହିଥିଲା । ପରିବାର ଲୋକେ ସାପକୁ ଦେଖିବା ମାତ୍ରେ ତୁରନ୍ତ ସାପ ଧରାଳି ସହ ଯୋଗାଯୋଗ କରିଥିଲେ । ଏହାପରେ ଏକ ଟିମ୍ ସାପ ଧରିବାକୁ ସେଠାରେ ପହଞ୍ଚିଥିଲେ ।
ଭିଡିଓର ଆରମ୍ଭରେ ଦେଖିପାରିବେ, ସାପ ଧରାଳୀ ଦଳ ଖୁବ୍ ସତର୍କତାର ସହ ଘର ଭିତରକୁ ପ୍ରବେଶ କରିବା ସହ ଖଟରେ ପାଦ ଦେଇ ସାପକୁ ବାକ୍ସ ଭିତରୁ ବାହାର କରି ଥିଲେ । ସାବଧାନତାର ସହ ଏକ କଳା ବ୍ୟାଗ୍ ମଧ୍ୟରେ ରଖିଥିଲେ । ସାପକୁ ଧରିବା ପରେ ଜଙ୍ଗଲରେ ସୁରକ୍ଷିତ ସ୍ଥାନରେ ଛାଡି ଦିଆଯାଇଥିଲା । ଭିଡିଓକୁ ଦେଖିବା ପରେ ଲୋକେ ନିଜର ଭିନ୍ନ ଭିନ୍ନ ପ୍ରତିକ୍ରିୟା ଦେଇଛନ୍ତି ।
୧୦୦ ବର୍ଷ ପରେ ଏଥର ଗଣେଶ ପୂଜାରେ ଦୁର୍ଲ୍ଲଭ ସଂଯୋଗ; ଏହି ରାଶିଙ୍କ ଚମକିବ ଭାଗ୍ୟ..
