ଢେଙ୍କାନାଳ: ବାରମ୍ବାର ବିଦ୍ୟୁତ୍ କାଟ୍ ବିରୋଧରେ ତାତିଲେ ଲୋକେ। ସମସ୍ୟା ସମାଧାନ ପାଇଁ ଆଜି ବଣିକ ସଂଘ ଢେଙ୍କାନାଳ ଜିଲ୍ଲା କଙ୍କଡାହାଡରେ ୧୨ ଘଣ୍ଟିଆ ବନ୍ଦ ପାଳନ କରୁଛି । ସେମାନଙ୍କ ସହ ସ୍ଥାନୀୟ ଲୋକ ମଧ୍ୟ ସାମିଲ ହୋଇଛନ୍ତି। ତେବେ ପ୍ରତିବାଦରେ ସହରରେ ଥିବା ସମସ୍ତ ଦୋକାନ ବଜାର ବନ୍ଦ ରହିଛି। ତେବେ ଉତ୍ତ୍ୟକ୍ତ ଲୋକମାନେ କଙ୍କଡାହାଡ ବିଦ୍ୟୁତ୍ ଅଫିସ ଘେରାଉ କରିଛନ୍ତି। ଅଭିଯୋଗ ହୋଇଛି ଯେ, କଙ୍କଡାହାଡ ବ୍ଲକ ର ବିଭିନ୍ନ ଅଞ୍ଚଳରେ ବାରମ୍ବାର ବିଦ୍ୟୁତ୍ କାଟ୍ ହେଉଛି। ଏ ନେଇ ସ୍ଥାନୀୟ ଲୋକମାନେ ବାରମ୍ବାର ବିଦ୍ୟୁତ୍ ବିଭାଗ ଏବଂ ବିଡିଓଙ୍କୁ ଜଣାଇଥିଲେ । ହେଲେ କିଛି ସୁଫଳ ମିଳିନାହିଁ। ଏହାପରେ ଆଜି ବଣିକ ସଂଘ ପକ୍ଷରୁ ୧୨ ଘଣ୍ଟିଆ ବନ୍ଦ ପାଳନ ସହ ବିଦ୍ୟୁତ୍ କାର୍ଯ୍ୟାଳୟ ଘେରାଉ କରାଯାଇଛି।
Comments are closed.