କଲମ୍ବୋ: ସଂଯୁକ୍ତ ଆରବ ଏମିରେଟ୍ସରେ ଶନିବାରଠାରୁ ଏସିଆ କପ୍ କ୍ରିକେଟ ଟୁର୍ଣ୍ଣାମେଣ୍ଟ ଆରମ୍ଭ ହେବାକୁ ଯାଉଛି। ତେବେ ଟୁର୍ଣ୍ଣାମେଣ୍ଟ ପୂର୍ବରୁ ଶ୍ରୀଲଙ୍କା ଦଳକୁ ଆଉ ଏକ ଧକ୍କା ପହଞ୍ଚିଛି। ପ୍ରଥମେ ଦିନେଶ ଚାନ୍ଦିମାଲ ଆହତ ହୋଇ ଟୁର୍ଣ୍ଣାମେଣ୍ଟରୁ ବାଦପଡିଥିବାବେଳେ ଶୁକ୍ରବାର ଦଳର ଓପନିଂ ବ୍ୟାଟସମ୍ୟାନ ଦାନୁସ୍କା ଗୁଣତିଳକ ଆହତ ହୋଇଥିବା ଜଣାପଡିଛି। ଦୁବାଇରେ ଅଭ୍ୟାସ କରୁଥିବାବେଳେ ଗୁଣତିଳକଙ୍କ ଅଣ୍ଟାରେ ଆଘାତ ଲାଗିଥିବା ପ୍ରକାଶ। ଗୁଣତିଳକ ଶୁକ୍ରବାର ସନ୍ଧ୍ୟାରେ ସ୍ୱଦେଶ ଫେରିଯାଇଛନ୍ତି। ତାଙ୍କ ସ୍ଥାନରେ ବାମହାତି ବ୍ୟାଟସମ୍ୟାନ ସେହାନ ଜୟସୁରିଆଙ୍କୁ ସାମିଲ କରାଯାଇଛି। ଚାନ୍ଦିମାଲଙ୍କ ସ୍ଥାନରେ ପୂର୍ବରୁ ନିରୋସାନ ଡିକ୍ୱେଲାଙ୍କୁ ସାମିଲ କରାଯାଇଛି।
