ନୂଆଦିଲ୍ଲୀ : ଦେଶର ଋଣ ଭାର ବଢିବାରେ ଲାଗିଛି। ସମ୍ପ୍ରତି ଏହି ଋଣ ଭାର ୮୨ ଲକ୍ଷ କୋଟି ଟଙ୍କା ଟପିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଶାସନ କାଳରେ ଦେଶର ଋଣ ଭାର ୪୯% ବୃଦ୍ଧି ଘଟିଛି। କେବଳ ମୋଦୀଙ୍କ ସାଢେ ଚାରି ବର୍ଷର ଶାସନ ସମୟରେ ଏହି ଋଣ ଭାର ୨୭ ଲକ୍ଷ କୋଟିରୁ ଅଧିକ ରହିଥିବା କେନ୍ଦ୍ର ସରକାରଙ୍କ ପକ୍ଷରୁ ଦେଶର ଋଣ ସ୍ଥିତି ସମ୍ପର୍କିତ ୮ମ ସଂସ୍କରଣ ଷ୍ଟାଟସ୍ ରିପୋର୍ଟରେ ଏହା କୁହାଯାଇଛି। ୨୦୧୪ ଜୁନ୍ ପର୍ଯ୍ୟନ୍ତ ଏହି ଋଣ ପରିମାଣ ୫୪,୯୦,୭୬୩ କୋଟି ଟଙ୍କା ରହିଥିଲା। ୨୦୧୮ ସେପ୍ଟେମ୍ବର ସୁଦ୍ଧା କେନ୍ଦ୍ର ସରକାରଙ୍କ ମୋଟ ଋଣ ପରିମାଣ ୮୨,୦୩,୨୫୩ କୋଟି ଟଙ୍କାରେ ପହଞ୍ଚିଥିବା ଅର୍ଥ ମନ୍ତ୍ରାଳୟ ପକ୍ଷରୁ ପ୍ରକାଶିତ ଏକ ଋଣ ତଥ୍ୟରେ କୁହାଯାଇଛି। ୨୦୧୪ ଜୁନ୍ ଶେଷ ସୁଦ୍ଧା ସୁନା ବଣ୍ଡ୍ ଜରିଆରେ ଋଣ ଉଠାଣ ଶୂନ୍ୟ ରହିଛି।
ତେବେ ଗୋଲ୍ଡ ମନେଟାଇଜେଶନ୍ ସ୍କିମ୍କୁ ଏଥିରେ ସାମିଲ କଲେ ଏହି ଋଣ ପରିମାଣ ୯,୦୮୯ କୋଟି ଟଙ୍କା ରହିଥିବା ଜଣାଯାଇଛି। ଏହି ଷ୍ଟାଟସ୍ ରିପୋର୍ଟରେ କେନ୍ଦ୍ର ସରକାର ଦେଶର ମୋଟାମୋଟି ଋଣ ସ୍ଥିତି ସମ୍ପର୍କରେ ସବିଶେଷ ତଥ୍ୟ ଦେଇଛନ୍ତି। ୨୦୧୦-୧୧ଠାରୁ ସରକାର ବାର୍ଷିକ ଭିତ୍ତିରେ ଏଭଳି ଷ୍ଟାଟସ୍ ପେପର ପ୍ରକାଶ କରୁଥିବା ଅର୍ଥ ମନ୍ତ୍ରାଳୟ ପକ୍ଷରୁ କୁହାଯାଇଛି। ସରକାରୀ ଋଣରେ ବୃଦ୍ଧି ଘଟିଆସୁଥିବାବେଳେ ଚଳିତ ଆର୍ଥିକବର୍ଷରେ ସରକାରଙ୍କୁ ବିତ୍ତୀୟ ନିଅଣ୍ଟ ଆଡୁ କିଛିଟା ସହଯୋଗ ମିଳିବା ଆଶା କରାଯାଉଛି। ଚଳିତ ଆର୍ଥିକବର୍ଷ ନିମନ୍ତେ ବିତ୍ତୀୟ ନିଅଣ୍ଟ ୬.୨୪ ଲକ୍ଷ କୋଟି ଟଙ୍କା ଲକ୍ଷ୍ୟ ଧାର୍ଯ୍ୟ କରାଯାଇଥିବାବେଳେ ପ୍ରଥମ ୮ ମାସ ନଭେମ୍ବର ସୁଦ୍ଧା ବିତ୍ତୀୟ ନିଅଣ୍ଟ ୭.୧୭ ଲକ୍ଷ କୋଟି ଟଙ୍କା ରହିଥିଲା।
ସାଢେ ଚାରି ବର୍ଷରେ
ମୋଦୀଙ୍କ ଶାସନ କାଳରେ ଦେଶର ଋଣ ଭାର ୪୯% ବଢିଛି ; ସାଢ଼େ ଚାରି ବର୍ଷରେ ୨୭ ଲକ୍ଷ କୋଟି
Popular Categories
Previous article
Next article