ନୂଆଦିଲ୍ଲୀ : ଦେଶରେ ଖୁବ ଶୀଘ୍ର ଟମାଟୋ ଓ ପିଆଜ ଦର ହ୍ରାସ ପାଇବ। ମଧ୍ୟପ୍ରଦେଶରୁ ଟମାଟୋ ଆସିବା ଆରମ୍ଭ ହୋଇ ଯାଇଥିବାରୁ ବର୍ତ୍ତମାନ ମୂଲ୍ୟ ଆହୁରି ହ୍ରାସ ପାଇବ ବୋଲି ଆଶା କରାଯାଉଛି। ସେହିପରି ମଧ୍ୟପ୍ରଦେଶ ଓ ରାଜସ୍ଥାନରୁ ନୂଆ ପିଆଜ ପହଞ୍ଚିବା ଆରମ୍ଭ ହୋଇଛି ଏବଂ ଦୀପାବଳି ପରେ ମୂଲ୍ୟ ଆହୁରି କମିବ ବୋଲି ସମ୍ଭାବନା ରହିଛି । ଅନ୍ୟପକ୍ଷରେ ମଦର ଡାଏରୀ କେଜି ପ୍ରତି ୫୫ ଟଙ୍କା ଅବା ତା’ଠାରୁ ମ୍ ଦରରେ ଟମାଟୋ ବିକ୍ରି କରିବାକୁ ମଦର ଡାଏରୀ ସହମତ ହୋଇଛି।
ଦେଶରେ ପିଆଜ, ଟମାଟୋ ଓ ଡାଲିର ଉପଲବ୍ଧତା ଏବଂ ମୂଲ୍ୟ ଓ ଯୋଗାଣ ସଂକ୍ରାନ୍ତରେ ଶୁକ୍ରବାର ଆନ୍ତଃ ମନ୍ତ୍ରୀ ସ୍ତରୀୟ କମିଟି ସମୀକ୍ଷା କରିଛି। ଏହି ବୈଠକରେ ଏ ନେଇ ବିସ୍ତୃତ ଆଲୋଚନା ହୋଇଛି । କେଜି ପ୍ରତି ୫୫ ଟଙ୍କାରେ ଟମାଟୋ ବିକ୍ରି କରିବାକୁ ମଦର ଡାଏରୀ ରାଜି ହୋଇଛି ବୋଲି ଖାଉଟି ବ୍ୟାପାର, ଖାଦ୍ୟ ଓ ସାଧାରଣ ବଣ୍ଟନ ମନ୍ତ୍ରଣାଳୟ ପକ୍ଷରୁ କୁହାଯାଇଛି। ସେହିପରି ଟମାଟୋର ମୂଲ୍ୟ ସ୍ୱାଭାବିକ ହୋଇଥିବା ବିଷୟ ଏହି ବୈଠକରେ ଅବଗତ କରାଯାଇଛି ।
ବର୍ତ୍ତମାନ ଡାଲି ଜାତୀୟ ଶସ୍ୟ ଯଥେଷ୍ଟ ମହଜୁଦ୍ ରହିଛି ଏବଂ କେନ୍ଦ୍ରୀୟ ଭଣ୍ଡାର ଓ ସଫଲ ଭଣ୍ଡାର ଗୁଡ଼ିକ ଜରିଆରେ ଅଧକିଲୋ ଓ ଏକ କିଲୋ ପ୍ୟାକେଟରେ ଡାଲି ବିକ୍ରି ପାଇଁ ବ୍ୟବସ୍ଥା କରାଯାଇଛି।
