ନୂଆଦିଲ୍ଲୀ : ଇରାନ- ଇସ୍ରାଏଲ ମଧ୍ୟରେ ଯୁଦ୍ଧ ପରେ ସୋମବାର ସେୟାର ବଜାରରେ ହ୍ରାସ ଦେଖିବାକୁ ମିଳିଛି । ଏହା ମଧ୍ୟରେ ବିଶ୍ବର ୧୪ ତମ ସବୁଠାରୁ ଧନୀ ବ୍ୟକ୍ତି ତଥା ଭାରତର ଦ୍ବିତୀୟ ଧନୀ ବ୍ୟକ୍ତି ଗୌତମ ଆଦାନୀଙ୍କ ଏକ କମ୍ପାନୀର ସେୟାର ମଧ୍ୟ ଖସିଛି । ଆମେ କହୁଛୁ ଆଦାନୀ ପୋର୍ଟ କଥା ଯାହା ୨ ପ୍ରତିଶ୍ରତ ପାଖାପାଖି ହ୍ରାସ ପାଇ କାରବାର କରୁଛି । କହିରଖୁଛୁ ଗୌତମ ଆଦାନୀଙ୍କ ଏହି କମ୍ପାନୀର ଇସ୍ରାଏଲରେ ବଡ କାରବାର ଅଛି ଏବଂ ଏହା ପୂର୍ବରୁ ଇସ୍ରାଏଲ- ହମସା ଯୁଦ୍ଧ ସମୟରେ ମଧ୍ୟ ବଡ ହ୍ରାସ ଦେଖିବାକୁ ମିଳିଥିଲା ।
ଆଦାନୀ ପୋର୍ଟର ସେୟାରରେ ଆସିଥିବା ହ୍ରାସ ଯୋଗୁଁ ନିବେଶକଙ୍କୁ କ୍ଷତି ସହିବାକୁ ପଡିଛି । ଇରାନ-ଇସ୍ରାଏଲରେ ଯୁଦ୍ଧ ବଢିବା ଆଶଙ୍କା ନିବେଶକଙ୍କୁ ଇସ୍ରାଏଲ ଏବଂ ହମାସ ମଧ୍ୟରେ ହୋଇଥିବା ଯୁଦ୍ଧ କଥା ମନେ ପକାଇଦେଇଛି । ସେହି ସମୟରେ ମଧ୍ୟ କମ୍ପାନୀର ଷ୍ଟକ୍ ୫ ପ୍ରତିଶତ ପାଖାପାଖି ହ୍ରାସ ପାଇଥିଲା । ସୋମବାର ଆସିଥିବା ହ୍ରାସ ପରେ ଗୌତମ ଆଦାନୀଙ୍କ ଆଦାନୀ ପୋର୍ଟର ମାର୍କେଟ୍ କ୍ୟାପିଟାଲାଇଜେସନ ୨.୮୬ ଲକ୍ଷ କୋଟି ଟଙ୍କାକୁ ଆସିଯାଇଛି । ଗୌତମ ଆଦାନୀଙ୍କ ଏହି କମ୍ପାନୀ ସହିତ ଇସ୍ରାଏଲର ପ୍ରତ୍ୟେକ୍ଷ ସମ୍ପର୍କ ରହିଛି ।
୨୦୨୨ ମସିହାରେ ଆଦାନୀ ପୋର୍ଟ୍ସ ଏଣ୍ଡ ଏସଇଜେଡ୍ ମିଳିତ ଉଦ୍ୟେଗରେ ଇସ୍ରାଏଲ ହାଇଫା ପୋର୍ଟର ଘରୋଇକରଣ ଟେଣ୍ଡର ହାସଲ କରିଥିଲା । ଏହି ଟେଣ୍ଡର ପ୍ରାୟ ୧.୮ ଅରବ ଡଲାରର ଥିଲା । ଏହି ମିଳିତ ଉଦ୍ୟେଗରେ ଆଦାନୀ ପୋର୍ଟର ଭାଗିଦାରୀ ୭୦ ପ୍ରତିଶତ । ହମାସ ଯୁଦ୍ଧ ପରେ ଏବେ ଇସ୍ରାଏଲରେ ପୁଣି ଯୁଦ୍ଧ ପରିସ୍ଥିତି ସୃଷ୍ଟି ହୋଇଛି ଏବଂ ଏଥିଯୋଗୁଁ କମ୍ପାନୀର ସେୟାରରେ ହ୍ରାସ ମଧ୍ୟ ଦେଖିବାକୁ ମିଳିଛି ।
