ଗୋପାଳପୁର: ଗୋଳନ୍ଥରା ଥାନା ଅନ୍ତର୍ଗତ ହଳଦିଆପଦର ବସଷ୍ଟାଣ୍ଡ ଓଭର ବ୍ରିଜ ତଳେ ସଂଘବଦ୍ଧ ଭାବେ ଦୁଇଜଣଙ୍କୁ ଆକ୍ରମଣ ମାମଲାରେ ପୁଲିସ ଆଜି ୪ ଅଭିଯୁକ୍ତ କୁ ଗିରଫ କରି କୋର୍ଟ ଚାଲାଣ କରିଛି। ଏହାସହ ସେମାନଙ୍କ ଠାରୁ ଆକ୍ରମଣରେ ବ୍ୟବହୃତ ୨ଟି ଖଣ୍ଡା ଜବତ କରିଛି। ଗିରଫ ଅଭିଯୁକ୍ତମାନେ ହେଲେ ହଳଦିଆପଦର ହରିଜନ ସାହିର ସୁବାଷ ଦାସ୍(୨୪) ଓ କିରନ ବେହେରା (୨୧), କନିଷି ଭଗବତୀ ନଗରର ଆଶିଷ ଦଳାଇ (୨୨) ଓ ବଡ କୁସମୀର କୁରେଶ ଦାସ(୨୩ ) ବୋଲି ପୁଲିସ ସୂଚନା ଦେଇଛି।
ଅଭିଯୋଗ ଅନୁଯାୟୀ ଗତ ୨୭ ତାରିଖ ରାତି ଆକ୍ରମଣକାରୀ ଯୁବକ ଓ ଆହତ ଯୁବକଙ୍କ ମଧ୍ୟରେ କୌଣସି କଥାକୁ ନେଇ କଥା କଟାକଟି ହୋଇଥିଲା। ଏହାକୁ ନେଇ ଗିରଫ ଅଭିଯୁକ୍ତ ମାନେ ରାତି ୯ ଟା ବେଳେ ଡି.ଦୁର୍ଯୋଧନ ଓ ତାଙ୍କ ସାଙ୍ଗ ଓଭର ବ୍ରିଜ ତଳେ କଥା ହେଉଥିବାବେଳେ ସେମାନଙ୍କୁ ଗାଳିଗୁଲଜ କରିବା ସହ ଖଣ୍ଡା ଓ ଠେଙ୍ଗାରେ ଆକ୍ରମଣ କରିଥିଲେ। ଏଥିରେ ଦୁର୍ଯୋଧନ ଆହାତ ହୋଇଥିଲେ। ଘଟଣା ନେଇ ୨୮ ତାରିଖରେ ଦୁର୍ଯୋଧନ ଗୋଳନ୍ଥରା ଥାନା ରେ ଲିଖିତ ଅଭିଯୋଗ କରିଥିଲେ। ଅଭିଯୋଗ କୁ ଭିତ୍ତି କରି ପୁଲିସ ଘଟଣାରେ ସମ୍ପୃକ୍ତ ଥିବା ୪ ଅଭିଯୁକ୍ତକୁ ଗିରଫ କୋର୍ଟ ଚାଲାଣ କରାଯାଇଥିଲା ଆଇଆଇସି ବିବେକାନନ୍ଦ ସ୍ବାଇଁ କହିଛନ୍ତି।
