ଗୋପାଳପୁର: ଗୋପାଳପୁର ଥାନା ଅନ୍ତର୍ଗତ ଗୋଳାବନ୍ଧ ଆର୍ମୀ ଏଡ଼ି କଲେଜ ପରିସରରେ ଥିବା ତିନି ମହଲା କୋଠାରୁ ଝୁଲନ୍ତା ଅବସ୍ଥାରେ ଜଣେ ଯବାନଙ୍କ ମୃତ ଦେହକୁ ପୁଲିସ ଉଦ୍ଧାର କରିଛି। ମୃତ ଯବାନ ଜଣଙ୍କ ହେଲେ ଶଙ୍କର କୁମାର ମଣ୍ଡଳ ବୟସ ୩୪ ଓ ଘର ପଶ୍ଚିମବଙ୍ଗ ନଦିିଆ ଜିଲ୍ଲାର ଚନ୍ଦ୍ରଘାଟ ବୋଲି ପୁଲିସ ସୂଚନା ଦେଇଛି। ପୁଲିସ ର ସୂଚନା ପ୍ରକାରେ ଯବାନ ଶଙ୍କର ଲାଦାଖରେ ଗନ ମେନ ଭାବେ କାର୍ଯ୍ୟରତ ଥିବା ବେଳେ ଗତ କିିିିଛି ମାସ ହେଲା ଗୋଳାବନ୍ଧ ଆର୍ମି ଏଡି କଲେଜ ରେ ଟ୍ରେନିଂଙ୍ଗ ପାଇଁ ଆସିଥିବା ଅନ୍ୟ ଏକ ମହିିଳା ଅଧିିିକାରି ଙ୍କ ସହ ଆସି ରହୁଥିଲେ। ଗୁରୁବାର ରାତିରେ ସାଙ୍ଗ ମାନଙ୍କ ସହ କଥାବାର୍ତା ହୋଇ ନିଜ ରୁମକୁ ଯାଇଥିଲେ। କିନ୍ତୁ କୌଣସି କାରଣକୁ ନେଇ ମଧ୍ୟ ରାତ୍ର ସମୟରେ ଦ୍ୱିତୀୟ ମହଲାର ବାରଣ୍ଡାରେ ଥିବା ପିଲରରେ ଏକ ପ୍ଲାଷ୍ଟିକ ଦୌଡ଼ି ବେକରେ ଲଗାଇ ଆତ୍ମହତ୍ୟା କରିଥିବା ଜଣାପଡ଼ିଥିଲା।
ଏହା ଜଣା ପଡିବା ପରେ ଟ୍ରେନିଂ ସେଣ୍ଟର ର ଲେଫ୍ଟନ କର୍ଣ୍ଣଲ ସୁନୀଲ ଶର୍ମା ଘଟଣା ନେଇ ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗ ପ୍ରକାରେ ପୁଲିସ ଶୁକ୍ରବାର ଘଟଣା ସ୍ଥଳରେ ପହଞ୍ଚି ଶବକୁ ଉଦ୍ଧାର କରି ବ୍ୟବଛେଦ ନିମନ୍ତେ ବ୍ରହ୍ମପୁର ମେଡିକାଲ ପଠାଇଥିଲେ। ଆଜି ଶବ ବ୍ୟବଚ୍ଛେଦ ପରେ ତାଙ୍କ ଜ୍ବାଇଁ ତଥା ଗୋଳାବନ୍ଧ ଆର୍ମି ଏଡି କଲେଜରେ ଯବାନ ଭାବେ କାର୍ଯ୍ୟ ରତ ଥିବା ଶୁଭଙ୍କର ମଣ୍ଡଳ ଙ୍କୁୁ ହସ୍ତାନ୍ତର କରା ଯାଇଥିବା ଗୋପାଳପୁର ପୁଲିସ ପକ୍ଷରୁ ସୁଚନା ଦିଆଯାଇଛି। ପୁଲିସ ପକ୍ଷରୁ ଘଟଣା ନେଇ ୧୪/୨୧ରେ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଜାରି ରଖିଥିବା ସୂଚନା ଦିଆଯାଇଛି।
