ନୂଆଦିଲ୍ଲୀ : ଯଦି ଆପଣ ସୁନା-ରୂପା କିଣିବା ପାଇଁ ଯୋଜନା କରୁଛନ୍ତି ତେବେ ଆପଣଙ୍କ ପାଇଁ ଭଲ ଖବର । ଆଜି ସୁନା-ରୂପା ଦାମ୍ ଖସିଛି । ୨୪ କ୍ୟାରେଟ୍ ସୁନା ଦାମ୍ ୨୪୦ ଟଙ୍କା ଅର୍ଥାତ୍ ୦.୩୭ ପ୍ରତିଶତ ହ୍ରାସ ପାଇ ୬୫,୩୩୦ ଟଙ୍କା ପ୍ରତି ୧୦ ଗ୍ରାମରେ ପହଞ୍ଚିଛି । ସେହିଭଳି ୨୨ କ୍ୟାରେଟ୍ ସୁନା ଦାମ୍ ୫୯,୮୫୦ ଟଙ୍କା ପ୍ରତି ୧୦ ଗ୍ରାମ ହୋଇଯାଇଛି । ଆଜି ରୂପା ମଧ୍ୟ ଶସ୍ତା ହୋଇଯାଇଛି । ରୂପା ଦାମ୍ ୦.୮୩ ପ୍ରତିଶତ ଅର୍ଥାତ୍ ୬୦୦ ଟଙ୍କା ପ୍ରତି କିଲୋ ହ୍ରାସ ପାଇ ୭୨,୧୦୦ ଟଙ୍କା ହୋଇଛି ।
ଏମସିଏକ୍ସରେ ଆଜି ସୁନା ଦାମ୍ ସାମାନ୍ୟ ବୃଦ୍ଧି ପାଇଛି । ମଲ୍ଟି କମୋଡିଟି ଏକ୍ସଚେଞ୍ଜରେ ସୁନା ୬୫,୫୨୦.୦୦ ଟଙ୍କା ପ୍ରତି ୧୦ ଗ୍ରାମରେ ଖୋଲିଥିଲା । ଏହା ପରେ ଦ୍ବିପ୍ରହର ସାଢେ ୨ଟା ସମୟରେ ଏମସିଏକ୍ସରେ ସୁନା ୨୦ ଟଙ୍କା ଅର୍ଥାତ୍ ୦.୦୩ ପ୍ରତିଶତ ବୃଦ୍ଧି ସହିତ ୬୫,୫୦୧ ଟଙ୍କା ପ୍ରତି ୧୦ ଗ୍ରାମରେ କାରବାର କରୁଛି ।
ସେହିଭଳି ଏମସିଏକ୍ସରେ ରୂପା ୭୩,୮୧୦ ଟଙ୍କା ପ୍ରତି କେଜିରେ ଖୋଲିଥିଲା ଏବଂ ଦ୍ବିପ୍ରହର ସାଢେ ୨ଟାରେ ୧୩୧ ଟଙ୍କା(୦.୧୮ ପ୍ରତିଶଥ) ବୃଦ୍ଧି ପାଇ ୭୩୯୮୧ ଟଙ୍କା ପ୍ରତି କେଜି ହୋଇଯାଇଥିଲା ।
