ପାଣାଜୀ : ଶିବସେନା ଆସନ୍ତା ବର୍ଷ ଗୋଆ ଲୋକସଭା ନିର୍ବାଚନରେ ପୂର୍ବତନ ଆରଏସ୍ଏସ୍ ନେତା ସୁବାଶ ମେଲିଙ୍ଗକରଙ୍କ ନେତୃତ୍ୱାଧୀନ ଗୋଆ ସୁରକ୍ଷା ମଞ୍ଚ (ଜିଏସ୍ଏମ୍) ସହ ମିଶି ନିର୍ବାଚନ ଲଢିବ ବୋଲି ଘୋଷଣା କରିଛି । ଏହା ପୂର୍ବରୁ ଶିବସେନା-ଜିଏସ୍ଏମ୍ ମେଣ୍ଟ କରି ଗୋଆ ବିଧାନସଭା ନିର୍ବାଚନ ମଇଦାନକୁ ଓହ୍ଲାଇଥିଲେ ବି ଗୋଟିଏ ଆସନ ଜିତିପାରିନଥିଲେ । ଜିଏସ୍ଏମ୍ ସହ ମେଣ୍ଟକୁ ଶିବସେନା ମୁଖ୍ୟ ଉଦ୍ଧବ ଠାକରେ ସ୍ୱୀକୃତି ପ୍ରଦାନ କରିଛନ୍ତି ବୋଲି ଶିବସେନା ମୁଖପାତ୍ର ସଞ୍ଜୟ ରାଉତ ସୂଚନା ଦେଇଛନ୍ତି । ଏଥିପାଇଁ ଆସନ୍ତା ମାସରେ ଉଦ୍ଧବ ଠାକରେ ଗୋଆ ଗସ୍ତରେ ଯିବେ ବୋଲି ସେ ପ୍ରକାଶ କରିଛନ୍ତି ।
