ସାଧାରଣତଃ କାଚ ବା କାଚ ତିଆରି ସାମଗ୍ରୀ ବହୁତ ସୁକ୍ଷ୍ମ ହୋଇଥାଏ। ଏହାକୁ ଖୁବ୍ ସାବଧାନତା ସହକାରେ ବ୍ୟବହାର କରିବାକୁ ପଡ଼ିଥାଏ। ତେଣୁ କାଚ ଥରେ ଅପରିଷ୍କାର ହୋଇଗଲେ ତାକୁ ପୁଣି ପୂର୍ବ ଭଳି ଚମକାଇବା ବହୁତ କଷ୍ଟ ହୋଇଥାଏ। ବହୁ ସମୟରେ କାଚରେ ଲାଗିଥିବା ବିଭିନ୍ନ ଦାଗ ସାଧାରଣ ପାଣି ଓ ସର୍ଫ ପାଣିରେ ସଫା ହୋଇ ନଥାଏ। ଏଥିସହିତ ଆପଣ ଜାଣି ରଖିବା ଉଚିତ ଯେ ସର୍ଫ ବା କ୍ଲିନିଙ୍ଗ ସଲ୍ୟୁସନରେ ବାରମ୍ବାର କାଚ ସଫା କରିବା ଦ୍ବାରା ତାହା କୁହୁଡିଆ ହୋଇଯାଏ ଓ ଦାଗ ପଡିଯାଏ। ହେଲେ ଏପରି କିଛି ଘରୋଇ ଉପାୟ ରହିଛି ଯାହାକୁ ଆପଣାଇବା ଦ୍ବାରା ଘରର କାଚକୁ ବା କାଚ ସାମଗ୍ରୀକୁ ଆପଣ ପୁଣି ଥରେ ଚମକାଇ ପାରିବେ। ଚାଲନ୍ତୁ ଜାଣିବା ସେହି ସବୁ ଉପାୟ ବିଷୟରେ –
• ଯଦି କାଚର ଅସଲି ଚମକ ଫେରାଇ ଆଣିବାକୁ ଚାହୁଁଛନ୍ତି ତେବେ ଭିନେଗାର ଠାରୁ ଭଲ ଆଉ କିଛି ହୋଇପାରିବ ନାହିଁ। ଭିନେଗାର ସାହାଯ୍ୟରେ କାଚ ସଫା କରିବା ଦ୍ବାରା କାଚର ଦାଗ ଦୂର ହେବା ସହ କାଚର ଚମକ ଫେରି ଆସିଥାଏ।
• ଘରେ ବ୍ୟବହାର କରାଯାଉଥିବା ଲୁଣ ଆପଣଙ୍କ ଘରର କାଚ ସଫା କରିବାରେ ସହାୟକ ହୋଇଥାଏ। ପାଣିରେ ଟିକିଏ ଲୁଣ ମିଶାଇ ସହଜରେ କାଚ ସଫା କରନ୍ତୁ।
• ବେକିଙ୍ଗ୍ ସୋଡ଼ାର ସହାୟତାରେ ମଧ୍ୟ କାଚ ସଫା କରିହେବ। ସେଥିପାଇଁ ବେକିଙ୍ଗ ସୋଡ଼ାକୁ ପାଣିରେ ମିଶାଇ ସ୍ପ୍ରେ ବୋତଲରେ ରଖନ୍ତୁ ଓ ଏହା ପରେ କାଚ ଉପରେ ସ୍ପ୍ରେ କରି କୋମଳ କପଡା ସାହାଯ୍ୟରେ ସଫା କରନ୍ତୁ।