ଡେସ୍କ: ଅପରେସନ ସିନ୍ଦୁର ପରେ ସାଂସଦ ମାନଙ୍କୁ ନେଇ ଗଠିତ ଏକ ପ୍ରତିନିଧିମଣ୍ଡଳ ଗସ୍ତ ସମଯ଼ରେ ଜାମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଗୁଲାମ ନବୀ ଆଜାଦଙ୍କ ସ୍ୱାସ୍ଥ୍ୟବସ୍ଥା ବିଗିଡ଼ିବା ପରେ ତାଙ୍କୁ କୁଏତରେ ଏକ ଡାକ୍ତରଖାନାରେ ଭର୍ତ୍ତି କରାଯାଇଛି। ଏବେ ତାଙ୍କ ସ୍ୱାସ୍ଥ୍ୟବସ୍ଥା ସ୍ଥିର ଥିବା ଜଣାପଡିଛି।
କୁଏତ ଗସ୍ତ କରୁଥିବା ଏକ ବହୁପକ୍ଷୀଯ଼ ପ୍ରତିନିଧିମଣ୍ଡଳର ଅଂଶବିଶେଷ ହୋଇଥିବା ଗୁଲାମ ନବୀ ଆଜାଦଙ୍କୁ ଗତକାଲି ଯାତ୍ରା ମଝିରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଜାମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ତଥା ପ୍ରୋଗ୍ରେସିଭ୍ ଡେମୋକ୍ରାଟିକ୍ ଆଜାଦ ପାର୍ଟି (ଡିପିଏପି)ର ଅଧ୍ୟକ୍ଷ ଗୁଲାମ ନବୀ ଆଜାଦଙ୍କୁ ମଙ୍ଗଳବାର ଦିନ ସମସ୍ତ ଦଳର ଏକ ପ୍ରତିନିଧି ଦଳ କୁଏତ ଗସ୍ତ ସମଯ଼ରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା।
ସାମାଜିକ ଗଣମାଧ୍ୟମ ‘ଏକ୍ସ’ରେ ପ୍ରତିନିଧି ଦଳର ଅଧ୍ୟକ୍ଷ ସାଂସଦ ବୈଜଯ଼ନ୍ତ ପଣ୍ଡା ଏହା ନିଶ୍ଚିତ କରିଛନ୍ତି ଏବଂ କହିଛନ୍ତି ଯେ ପ୍ରତିନିଧିମଣ୍ଡଳର ପରବର୍ତ୍ତୀ ପର୍ଯ୍ୟାୟରେ ସେ ସାମିଲ ହେବେ।
ପ୍ରତିନିଧି ଦଳର ନେତୃତ୍ୱ ନେଉଥିବା ବୈଜଯ଼ନ୍ତ ପଣ୍ଡା କହିଛନ୍ତି, ଆମର ପ୍ରତିନିଧିମଣ୍ଡଳ ଗସ୍ତର ଅଧାରେ ଗୁଲାମ ନବୀ ଆଜାଦଙ୍କୁ ଡାକ୍ତରଖାନାରେ ଭର୍ତ୍ତି ହେବାକୁ ପଡ଼ିଛି। ଡାକ୍ତରୀ ତତ୍ତ୍ୱାବଧାନରେ ତାଙ୍କର ଚିକିତ୍ସା ଚାଲିଛି। ବାହାରିନ ଏବଂ କୁଏତରେ ଶ୍ରୀ ଆଜାଦଙ୍କ ଭାରତର ଆତଙ୍କବାଦ ପ୍ରତି ଶୂନ୍ୟ ସହନଶୀଳତା ନୀତି ସମ୍ପର୍କରେ ଉପସ୍ଥାପନା ଅତ୍ୟନ୍ତ ଚମତ୍କାର ଥିଲା ବୋଲି ଶ୍ରୀ ପଣ୍ଡା କହିଛନ୍ତି।
