ଗଞ୍ଜାମ: ଓଡ଼ିଶାର ବରପୁତ୍ରମାନଙ୍କ ଫଟୋଚିତ୍ରକୁ ଅସମ୍ମାନ। ଗଞ୍ଜାମ ସହର ମଧ୍ୟରେ ଦେଖିବାକୁ ମିଳିଛି ଏଭଳି ଦୁଃଖଦ ଚିତ୍ର। ରାଜ୍ୟ ସରକାର ଓଡ଼ିଆ ଭାଷା, ଜାତି ସବକୁ ଗୁରୁତ୍ୱ ଦେଉଥିବାବେଳେ ଏଠାରେ ତାହାର ବ୍ୟତିକ୍ରମ ଦେଖିବାକୁ ମିଳିଛି। ସୂଚନାଯୋଗ୍ୟ ଯେ, ଗଞ୍ଜାମ ସହର ମଧ୍ୟରେ ଅବସ୍ଥିତ ଭାରତୀ ବିଦ୍ୟାପୀଠର ପଶ୍ଚିମ ପାର୍ଶ୍ୱରେ ରହିଥିବା ପାଚେରୀରେ ଓଡ଼ିଶାର ବରପୁତ୍ରମାନଙ୍କ ସୁନ୍ଦର ଫଟୋଚିତ୍ର ଅଙ୍କାଯାଇଛି। ସେହି ରାସ୍ତାରେ ଯାଉଥିବା ଲୋକଙ୍କୁ ତାହା ଅଧିକ ଆକୃଷ୍ଟ କରୁଛି। ଦୁଃଖ ଓ ପରିତାପର ବିଷୟ ଯେଉଁମାନେ ଓଡ଼ିଶା ପାଇଁ ଗର୍ବ ଆଉ ଗୌରବ ସେମାନଙ୍କୁ ଅସମ୍ମାନିତ କରାଯାଉଛି। ତାଙ୍କରି ଫୋଟୋ ଚିତ୍ର ପାଖରେ ଅଳିଆ ଆବର୍ଜନା ଗଦା କରାଯାଉଥିବା ଦେଖିବାକୁ ମିଳୁଛି। ଏହାକୁ ନେଇ ବୁଦ୍ଧିଜୀବୀ ମହଲରେ ଘୋର ଅସନ୍ତୋଷ ପ୍ରକାଶ ପାଇଛି। ବିଜ୍ଞାପିତ ଅଞ୍ଚଳ ପକ୍ଷରୁ ଏଥିପ୍ରତି କୌଣସି ପ୍ରକାର ପଦକ୍ଷେପ ନିଆଯାଉନାହିଁ। ଜିଲା ପ୍ରଶାସନ ଏଥିପ୍ରତି ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି।
Comments are closed.