ଗଞ୍ଜାମ: ଗଞ୍ଜାମ ଜିଲା ଦିଗପହଣ୍ଡିର ବିଜେଡି ନେତା ଲଳିତମୋହନ ମହାପାତ୍ର ହତ୍ୟା ଘଟଣାର ମୁଖ୍ୟ ଅଭିଯୁକ୍ତ ରାମକୃଷ୍ଣ ମିଶ୍ର ଗିରଫ ହୋଇଥିବା ଜଣାପଡ଼ିଛି । ସେ ହରିଦ୍ବାର ଖସି ପଳାଇ ଯାଉଥିବାବେଳେ ତାଙ୍କୁ ବ୍ରଜରାଜନଗର ରେଳଷ୍ଟେସନରୁ ଗିରଫ କରିଛି ପୁଲିସ । ସୂଚନା ଅନୁସାରେ, ଗତ ମାସ ୨୦ ତାରିଖ ସଂଧ୍ୟାରେ ଲଳିତମୋହନ ଓ ରାମକୃଷ୍ଣଙ୍କ ଭିତରେ ଝଗଡ଼ା ହୋଇଥିଲା । ଝଗଡ଼ା ପରେ ନିଜ ବୁଲେଟରେ ଲଳିତମୋହନ ଖମାରୀଗାଁ ଫେରୁଥିଲେ। ଏହି ସମୟରେ କାରରେ ଆସି ରାମକୃଷ୍ଣ ଲିଳିତଙ୍କ ବୁଲେଟକୁ ଧକ୍କା ଦେଇଥିଲେ । ଫଳରେ ସେ ଗୁରୁତର ହୋଇ ଡାକ୍ତରଖାନାରେ ଚିକିତ୍ସିତ ଅବସ୍ଥାରେ ମୃତ୍ୟୁ ବରଣ କରିଥିଲେ। ଦୁର୍ଘଟଣା ଘଟାଇ ଅଭିଯୁକ୍ତ ରାମକୃଷ୍ଣ ଫେରାର ହୋଇଯାଇଥିଲେ । ସେବେଠାରୁ ତାଙ୍କୁ ପୁଲିସ୍ ଖୋଜୁଥିଲା। ଶେଷରେ ତାଙ୍କୁ ପୁଲିସ୍ ଗିରଫ କରିବାରେ ସଫଳ ହୋଇଛି।
Comments are closed.