କେଶପୁରାପାଳ : ଅନନ୍ଦପୁର ଗଣେଶ ପୂଜା ଉସାଣୀ ବେଳେ ଉତ୍ତେଜନା ଯୋଗୁଁ ୩ ଜଣ ଆହତ ହୋଇଥିବା ବେଳେ ୫ଜଣ ଥାନାରେ ଅଟକ ଥିବା ଜଣାଯାଇଛି । ଗୋଟିଏ ଦିନରେ ଆନନ୍ଦପୁରର ଫ୍ରେଣ୍ଡସ୍ କ୍ଳବ ଓ ସ୍ପାଇସ କ୍ଳବର ଭସାଣୀ ଉତ୍ସବ ହୋଇଥିବା ବେଳେ ଉଭୟ ଫ୍ରେଣ୍ଡସ୍ କ୍ଳବ ଓ ସ୍ପାଇସ କ୍ଳବର କର୍ମକର୍ତ୍ତା ମାନଙ୍କ ମଧ୍ୟରେ ଉତେଜନା ସୃଷ୍ଟି ହୋଇ ହାତାହାତି ହେବା ଫଳରେ ପରିସ୍ଥିତି ନିୟନ୍ତ୍ରଣ ବାହାରକୁ ଚାଲିଯାଇଥିଲା। ତେବେ ରାମଚନ୍ଦ୍ରପୁର, ଘସିପୁରା ଏବଂ ଆନନ୍ଦପୁର ପୁଲିସର ସହାୟତା ପରେ ବିରାଟ ଶୋଭାଯାତ୍ରା ବାହାରି ନଦୀରେ ମୂର୍ତ୍ତି ବିସର୍ଜନ କରାଯାଇଥିଲା । ଗୋଟିଏ ଦିନ ୨ଟି କ୍ଳବକୁ ଗଣେଶ ପୂଜା ଉସାଣୀ ଅନୁମତି ଦେବାରୁ ଏପରି ପରିସ୍ଥିତି ହେଲା ବୋଲି ସାଧାରଣରେ ଆଲୋଚନା ହେଉଛି । ଆନନ୍ଦପୁର ଉପଜିଲ୍ଲାପାଳ ଅନିଲ କୁମାର ସେଠୀଙ୍କ ସହିତ ଏସଡିପିଓ ପ୍ରଶାନ୍ତ କୁମାର ବେହେରା ,ରାମଚନ୍ଦ୍ରପୁର ଥାନା ଅଧିକାରୀ ବିଜୟ କୁମାର ସିଂହ, ଘସିପୁରା ଥାନା ଅଧିକାରୀ ସୁଶାନ୍ତ ପ୍ରଧାନ ଓ ଆନନ୍ଦପୁର ଥାନା ଅଧିକାରୀ ଲକ୍ଷ୍ମିକାନ୍ତ ପ୍ରଧାନ ପ୍ରମୁଖ ଉପସ୍ଥିତ ରହି ଭସାଣୀ ଉତ୍ସବରେ ଶାନ୍ତି ଶୃଙ୍ଗଳା ରକ୍ଷା କରିଥିଲେ।
Comments are closed.