ବିଭୁତି ଭୂଷଣ ସ୍ମୃତି ସଂସଦ ଓ ଓଡିଶା ସଂଗୀତ ନାଟକ ଏକାଡେମୀର ମିଳିତ ଆନୁକୂଲ୍ୟରେ ଗଣକବି ବୈଷ୍ଣବ ପାଣିଙ୍କ ସ୍ମୃତିଚାରଣ ଉତ୍ସବରେ ଅତିଥିଗଣ ଏହି ମର୍ମରେ ବକ୍ତବ୍ୟ ପ୍ରଦାନ କରିଛନ୍ତି। ସ୍ମୃତି ସଂସଦର ସଭାପତି ଡଃ ଭୁବନାନନ୍ଦ ସାହୁଙ୍କ ଅଧ୍ୟକ୍ଷତାରେ ଆୟୋଜିତ ସ୍ମୃତିଚାରଣ ଉତ୍ସବରେ ମୁଖ୍ୟ ଅତିଥି ଭାବରେ ବିଶିଷ୍ଟ ସାହିତ୍ୟିକ ତଥା ଗବେଷକ ଡଃ ଅଜୟ କୁମାର ମିଶ୍ର ସମକାଳୀନ ସାହିତ୍ୟର ଅପ୍ରତିଦ୍ଵନ୍ଦୀ ସ୍ରଷ୍ଟା ଥିଲେ ବୋଲି ମତପ୍ରକାଶ କରିଥିଲେ। ମୁଖ୍ୟବକ୍ତା ଭାବେ ପାଣି ସାହିତ୍ୟର ଗବେଷକ ଡଃ ଅଜିତ କୁମାର ମହାପାତ୍ର ଗଣକବି ସାହିତ୍ୟର ବିଭିନ୍ନ ଦିଗ ଉପରେ ଆଲୋକପାତ କରିଥିଲେ।
ସମ୍ମାନନୀୟ ଅତିଥି ଡଃ ଜନାର୍ଦନ ରାଉତ ବକ୍ତବ୍ୟ ରଖିଥିବା ବେଳେ ରସରାଜ ବୀର କିଶୋର ସ୍ୱାଇଁ ସ୍ୱାଗତ ଭାଷଣ ଓ ଅତିଥି ପରିଚୟ ଦେଇଥିଲେ। ସଂସଦର ସମ୍ପାଦକ ଭୂପେନ ଚାଟାର୍ଜୀ ସମ୍ପାଦକୀୟ ବିବରଣୀ ପାଠ କରିଥିଲେ। ପ୍ରାରମ୍ଭରେ ପାଣି ସଂଗୀତ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ବିଭିନ୍ନ ଅନୁଷ୍ଠାନର କଳାକାର ନରହରି ପୃଷ୍ଟି, ଯଶୋବନ୍ତ ଜେନା ଓ ଆକୁଳି ଚରଣ ରାଉତଙ୍କୁ ଅଙ୍ଗବସ୍ତ୍ର ଓ ପୁଷ୍ପଗୁଚ୍ଛ ପ୍ରଦାନ କରି ଅତିଥିମାନେ ସମ୍ବର୍ଦ୍ଧନା ପ୍ରଦାନ କରିଥିଲେ। ସଂଗୀତ ପ୍ରତିଯୋଗିତାର କୃତି ପ୍ରତିଯୋଗୀ ପପୁ ମଲିକ, ବିଦୁସ୍ମିତା ସାହୁ, ଦାସ ଅଙ୍କିତା ଚାନ୍ଦ, ରୀସାନ ଦାସ, ଦେବ ରଞ୍ଜନ ସିଂହ, ହରପ୍ରିୟା ସାହୁ, ଅଭିଲିପ୍ସା ରାଉତ, କଳ୍ପିତା ପାଣ୍ଡେ ଓ କ୍ଷିତୀଶ ସ୍ୱାଇଁଙ୍କୁ ପ୍ରଶଂସାପତ୍ର ଓ ଟ୍ରଫି ପ୍ରଦାନ କରାଯାଇଥିଲା।
ଅତିଥିମାନଙ୍କୁ ହୃଷିକେଶ ଲାଲ, ସୁଟୁ ଘୋଷ ଓ ରବିନ୍ଦ୍ରନାଥ ସିହ୍ନା ପୁଷ୍ପଗୁଚ୍ଛ ପ୍ରଦାନ କରି ସମ୍ବର୍ଦ୍ଧିତ କରିଥିଲେ। ସଂଗଠନ ସମ୍ପାଦକ ସୁକାନ୍ତ ନନ୍ଦ ଧନ୍ୟବାଦ ପ୍ରଦାନ କରିଥିବା ବେଳେ ନାଟ୍ୟକାର ଭାବଗ୍ରାହୀ ଦାସ, ଅଧ୍ୟାପକ ସତ୍ୟବ୍ରତ ବେହୁରା, ଅରୁଣ କୁମାର ବାରିକ ଓ ଅରକ୍ଷିତ ସାହୁ ଉତ୍ସବ ପରିଚାଳନାରେ ସହଯୋଗ କରିଥିଲେ।
