ଜି.ଉଦୟଗିରି: ରବିବାର ସକାଳେ ସ୍ଥାନୀୟ ସହରର ୪ ନମ୍ବର ୱାର୍ଡ ସ୍ଥିତ ଶ୍ରୀରାମପଦା ସାହିରେ ଏକ ଶାଗୁଆନ ଗଛରେ ଝୁଲନ୍ତା ଅବସ୍ଥାରେ ଜଣେ ଯୁବକର ମୃତଦେହ ଉଦ୍ଧାର କରାଯାଇଥିବା ଜଣାପଡିଛି। ଟିକାବାଲି ଥାନା ଅନ୍ତର୍ଗତ ବେହେରାଗାଁ ପଞ୍ଚାୟତ ସ୍ଥିତ ପାଣିଙ୍ଗିଆ ଗ୍ରାମର ନରେଶ ଦିଗାଳ ୫୦ ବର୍ଷ ଜି.ଉଦୟଗିରି ଶ୍ରୀରାମପଦାରେ ବିବାହ କରିଥିବା ବେଳେ ତାଙ୍କର ଦୁଇଟି ପୁଅ ଓ ଦୁଇଟି ଝିଅ ଅଛି। ପାରିବାଳିକ କଳହ ଯୋଗୁଁ କିଛି ଦିନ ହେଲା ତାଙ୍କ ସ୍ତ୍ରୀ ପିଲାମାନଙ୍କୁ ଧରି ଶ୍ରୀରାମପଦା ସ୍ଥିତ ନିଜ ବାପ ଘରକୁ ଆସିଥିଲେ। ହେଲେ ଗତକାଲି ସେ ସ୍ତ୍ରୀଙ୍କୁ ବୁଝାଇ ପିଲାମାନଙ୍କୁ ଧରି ପାଣିଙ୍ଗିଆ ସ୍ଥିତ ନିଜ ଘରକୁ ନେବା ପାଇଁ ଆସିଥିବା ବେଳେ କୌଣସି କାରଣକୁ ନେଇ ଗତରାତିରେ ଏକ ଶାଗୁଆନ ଗଛରେ ଲୁଗା ଲଗାଇ ଆତ୍ମହତ୍ୟା କରିଥିଲେ।
ଆଜି ସକାଳେ ସାହି ଲୋକ ଝୁଲନ୍ତା ଅବସ୍ଥାରେ ନରେଶକୁ ଦେଖି ତାଙ୍କ ଭାଇ ଗୁଣ ଦିଗାଳକୁ ଖବର ଦେଇଥିଲେ। ଗୁଣ ଦିଗାଳ ପହଞ୍ଚି ଏ ନେଇ ଜି.ଉଦୟଗିରି ଥାନାରେ ଏତଲା ଦେଇଥିଲେ। ଗୁଣଙ୍କ ଏତଲାକୁ ଭିତିକରି ସ୍ଥାନୀୟ ପୁଲିସ ଘଟଣାସ୍ଥଳରେ ପହଞ୍ଚି ଶବକୁ ଉଦ୍ଧାର କରି ୫/୨୨ ରେ ଏକ ଅପମୃତ୍ୟୁ ମାମଲା ରୁଜୁ କରି ବ୍ୟବଛେଦ ନିମନ୍ତେ ପଠାଇ ତଦନ୍ତ ଦାୟିତ୍ବ ଏଏସଆଇ ବିନୟ କୁମାର ମହାରଣାଙ୍କୁ ଦିଆଯାଇଥିବା ନେଇ ଥାନା ଅଧିକାରୀଣୀ ରେବତୀ ଶବର ସୂଚନା ଦେଇଛନ୍ତି।
Comments are closed.