ଜି ଉଦୟଗିରି : କନ୍ଧମାଳ ଜିଲ୍ଲା ରାଇକିଆ ଥାନା ପକ୍ଷରୁ ୨୭ କିଲୋ ୩୦୦ ଗ୍ରାମ ଗଞ୍ଜେଇ ସହ ଏକ କାରକୁ ଜବତ କରାଯାଇଛି। ମିଳିଥିବା ସୂଚନା ଅନୁଯାୟୀ ମଙ୍ଗଳବାର ମଧ୍ୟାହ୍ନ ୧୧.୩୦ ସମୟରେ ପୁଲିସ ପାଟ୍ରୋଲିଂରେ ଯାଉଥିବା ସମୟରେ ରାଇକିଆ ଥାନା ଅନ୍ତର୍ଗତ ପେଟାପାଙ୍ଗା ଛକ ନିକଟରେ ଏକ କାରରେ ଗଞ୍ଜେଇ ଚୋରା ଚାଲାଣ ହେଉଥିଲା। ପୁଲିସ ଗାଡ଼ିକୁ ଅଟକାଇ ଥିବାବେଳେ ଗଞ୍ଜେଇ ଚାଲାଣ କାରି ତିନି ଜଣ ଗାଡ଼ିକୁ ଛାଡି ସେଠାରୁ ଚମ୍ପଟ ମାରିଥିଲେ। ତଲାସି ବେଳେ ଗାଡ଼ିରୁ ଏକ ବସ୍ତାରେ ଗଞ୍ଜେଇ ଥିବା ଜଣାପଡିଛି। ଓଜନ କରାଯିବା ପରେ ୨୩ କିଲୋ ୩୦୦ ଗ୍ରାମ ହୋଇଥିବା ଜଣାପଡିଛି।
ଏନେଇ ରାଇକିଆ ଥାନାରେ ଏନଡିପିଏସ ଆକ୍ଟ୍ ରେ ମାମଲା ରୁଜୁ କରାଯାଇ ଫେରାର ଗଞ୍ଜେଇ ଚାଲାଣକାରିଙ୍କୁ ଖୋଜାଖୋଜି କରାଯାଉଥିବା ଥାନାଧିକାରୀ ସାନ୍ତୁନ କୁମାର କହିଛନ୍ତି ।
ଏନେଇ ରାଇକିଆ ଥାନାରେ ଏନଡିପିଏସ ଆକ୍ଟ୍ ରେ ମାମଲା ରୁଜୁ କରାଯାଇ ଫେରାର ଗଞ୍ଜେଇ ଚାଲାଣକାରିଙ୍କୁ ଖୋଜାଖୋଜି କରାଯାଉଥିବା ଥାନାଧିକାରୀ ସାନ୍ତୁନ କୁମାର କହିଛନ୍ତି ।
Comments are closed.