ସିମଲା : ଭୋଟରଙ୍କୁ ନିଜ ସପକ୍ଷରେ ଭୋଟ ଦେବାକୁ ପ୍ରବର୍ତ୍ତାଇବାକୁ ପ୍ରାର୍ଥୀମାନେ ନାନା କୌଶଳ ଆପଣାଇଥାନ୍ତି। ଏପରି ଏକ ଦୃଶ୍ୟ ଦେଖିବାକୁ ମିଳିଥିଲା ସିମଲା ଜିଲାର କାନ୍ଦଲା ସହରରେ। ଏହି ସହରରେ ପୌର ନିର୍ବାଚନ ଅନୁଷ୍ଠିତ ହେବାକୁ ଯାଉଥିବା ବେଳେ ଭୋଟରଙ୍କୁ ନିଜ ସପକ୍ଷକୁ ଆଣିବାକୁ ଜଣେ ପ୍ରାର୍ଥୀ କୁକୁଡ଼ା ବାଣ୍ଟୁଥିବା ଦୃଶ୍ୟ ସାମାଜିକ ଗଣମାଧ୍ୟମରେ ପ୍ରଘଟ ହୋଇଥିଲା।
କାନ୍ଦଲା ସହର ପୌରପାଳିକାର ପୂର୍ବତନ ଅଧ୍ୟକ୍ଷ ତଥା ଚଳିତଥର ଏହି ଅଞ୍ଚଳରୁ ପୁନର୍ବାର ନିର୍ବାଚନ ଲଢ଼ୁଥିବା ଜଣେ ପ୍ରାର୍ଥୀ ଦୁଇ ଗାଡ଼ି ଭର୍ତ୍ତି କୁକୁଡ଼ା ଧରି ପହଞ୍ଚିବା ସହ ସ୍ଥାନୀୟ ବାସିନ୍ଦାଙ୍କୁ କୁକୁଡ଼ା ବାଣ୍ଟିଥିଲେ। ଜନସାଧାରଣ ନିଜ ନିଜର କାମରେ ଯାଉଥିବା ବେଳେ କୁକୁଡ଼ା ବଣ୍ଟାଯିବା ଖବର ପାଇଁ ଭିଡ଼ ଜମାଇଥିଲେ। ଏପରିକି ଅଧିକ କୁକୁଡ଼ା ନେବାକୁ ସେମାନଙ୍କ ମଧ୍ୟରେ ପ୍ରତିଯୋଗିତା ଆରମ୍ଭ ହୋଇଯାଇଥିଲା। ଘଟଣା ସଂପର୍କରେ ମତ ଦେଇ ସଂପୃକ୍ତ ପ୍ରାର୍ଥୀ ଜଣକ କହିଥିଲେ ସେ ଭୋଟରଙ୍କୁ ପ୍ରଭାବିତ କରିବାକୁ କୁକୁଡ଼ା ବାଣ୍ଟିନଥିଲେ ବରଂ ଗତଥର ନିର୍ବାଚନରେ ଲୋକେ ତାଙ୍କୁ ଜିତାଇବା ସହ ପୌରପାଳିକା ଅଧ୍ୟକ୍ଷ କରାଇଥିବାରୁ କୃତଜ୍ଞତା ସ୍ବରୂପ ସେ କୁକୁଡ଼ା ବାଣ୍ଟିଥିଲେ।
Comments are closed.