ନୂଆଦିଲ୍ଲୀ: ଦେଶର ସର୍ବୋଚ୍ଚ ନ୍ୟାୟାଳୟଙ୍କ ହସ୍ତକ୍ଷେପ ପରେ ଶେଷରେ ଭାରତୀୟ ସୈନ୍ୟବାହିନୀର ଦୁଇ ବ୍ରିଗେଡିୟରଙ୍କୁ ମିଳିଛି ପଦୋନ୍ନତି। ଅବଶ୍ୟ ସେମାନେ ଚାରିବର୍ଷ ତଳୁ ଅବସର ନେଇସାରିଛନ୍ତି। ସେମାନେ ବ୍ରିଗେଡିୟର ଭାବେ ଅବସର ନେଇଥିବାବେଳେ ଏବେ ସେମାନଙ୍କୁ ମେଜର ଜେନେରାଲ ପାହ୍ୟା ମିଳିଛି। ଜଣାଯାଇଛି ଯେ ସେମାନେ ଅବସର ନେବାର ଦୁଇବର୍ଷ ପୂର୍ବରୁ ସେମାନଙ୍କୁ ପଦୋନ୍ନତି ଦିଆଯିବା କଥା, କିନ୍ତୁ ତାହା କରାଯାଇନଥିଲା। ବ୍ରିଗେଡିୟର ପାହ୍ୟାର ଏହି ଦୁଇ ଅଧିକାରୀ ହେଉଛନ୍ତି କର୍ପସ ଅଫ ଇଣ୍ଟେଲିଜେନ୍ସର ନଳିନ ଭାଟିଆ ଏବଂ ଏଜୁକେସନ କର୍ପସର ଭି ଏନ ଚତୁର୍ବେଦୀ। ଏହି ଦୁଇଜଣ ସେମାନଙ୍କ ନିଜ ନିଜ ବ୍ୟାଚରୁ ଜଣେ ଲେଖାଏଁ ବ୍ୟକ୍ତି ଭାବରେ ମେଜର ଜେନେରାଲ ପାହ୍ୟାକୁ ପଦୋନ୍ନତି ପାଇବାକୁ ୨୦୧୫ରେ ମନୋନୀତ ହୋଇଥିଲେ। କାର୍ଯ୍ୟକ୍ଷେତ୍ରରେ ସେମାନେ ଉତ୍କୃଷ୍ଟ କାର୍ଯ୍ୟଦକ୍ଷତା ପ୍ରଦର୍ଶନ କରିଥିଲେ ମଧ୍ୟ ସେମାନଙ୍କୁ ପଦୋନ୍ନତି ଦିଆଯାଇନଥିବା ସମ୍ପର୍କରେ ସର୍ବୋଚ୍ଚ ଅଦାଲତରେ ଯୁକ୍ତି ଦର୍ଶାଇଥିଲେ ସେମାନଙ୍କ ଓକିଲ କର୍ଣ୍ଣେଲ ଇନ୍ଦ୍ରସେନ ସିଂ (ଅବସରପ୍ରାପ୍ତ)। ଏହି ଦୁଇ ସେନା ଅଧିକାରୀ ସେମାନଙ୍କୁ ପଦୋନ୍ନତି ଦିଆନଯିବା କାରଣ ସର୍ମ୍ପକରେ ଜାଣିବାକୁ ଚାହିଥିଲେ ମଧ୍ୟ ସେମାନଙ୍କୁ ତାହାର ଉତ୍ତର ଦିଆଯାଇନଥିଲା। ସେମାନେ ସଶସ୍ତ ବାହିନୀ ଟ୍ରିବ୍ୟୁନାଲରେ ଆବେଦନ କରିଥିଲେ ମଧ୍ୟ ତାହା ଖାରଜ ହୋଇଯାଇଥିଲା। ଶେଷରେ ସେମାନେ ସର୍ବୋଚ୍ଚ ନ୍ୟାୟାଳୟଙ୍କର ଆଶ୍ରୟ ନେଇଥିଲେ।
Popular Categories
Previous article
Next article