ନୂଆଦିଲ୍ଲୀ : ଭାରତରେ ରହୁଥିବା କୋଟି କୋଟି ଲୋକ ନିଜ ଦେଶକୁ ଭଲ ପାଆନ୍ତି ଏବଂ ହୃଦୟରୁ ସମ୍ମାନ କରନ୍ତି । ଅନେକ ଅବସରରେ ଆମକୁ ଏହି ଦେଶପ୍ରେମ ଦେଖିବାକୁ ମିଳିଥାଏ । ଖାସ୍ କରି ଯେବେ ଜାତୀୟ ସଙ୍ଗୀତ କଥା ଆସେ ସେବେ ଭାରତୀୟ ସମସ୍ତେ ଠିଆ ହୋଇପଡି ଏହାକୁ ସମ୍ମାନ ଦେଖାଇଥାନ୍ତି । ଏବେ ଦିଲ୍ଲୀରୁ ତିବ୍ଲିସି ଯାଉଥିବା ଏକ ବିମାନରୁ ଏମିତି ଏକ ଭିଡିଓ ସାମ୍ନାକୁ ଆସିଛି । ତେବେ ଏଥିରେ ଭାରତୀୟ ନୁହଁନ୍ତି ବରଂ ବିଦେଶୀମାନେ ଭାରତର ଜାତୀୟ ସଙ୍ଗୀତ ଗାଉଥିବା ନଜର ଆସୁଛନ୍ତି । ଏହି ଭିଡିଓକୁ ଏବେ ସୋସିଆଲ ମିଡିଆରେ ପ୍ରଶଂସା କରାଯାଉଛି ।
View this post on Instagram
ଏହି ଭିଡିଓକୁ ଏକ ବ୍ୟାଣ୍ଡର ସଦସ୍ୟମାନେ ମିଶିକି ପ୍ରସ୍ତୁତ କରିଛନ୍ତି । ସମସ୍ତେ ବିମାନରେ ସବାର ଥିଲେ ଏବଂ ଏକାଠି ମିଶି ଭାରତର ଜାତୀୟ ସଙ୍ଗୀତ ଗାନ କରିବା ଆରମ୍ଭ କରିଦେଲେ । ଏହି ବ୍ୟାଣ୍ଡ ସୋସିଆଲ ମିଡିଆରେ ନିଜ କାର୍ଯ୍ୟକ୍ରମର ସିଧା ପ୍ରସାରଣ କରି ବେଶ୍ ପ୍ରଶଂସା ସାଉଁଟିଛି । ଅନେକ ଦେଶ ବିଦେଶରେ ମଧ୍ୟ ଏହି ବ୍ୟାଣ୍ଡ୍ ନିଜ କଳାର ପ୍ରଦର୍ଶନ କରିସାରିଛି । ବିମାନରେ ତାଙ୍କର ଏହି ପରିବେଷଣ ସମସ୍ତଙ୍କ ହୃଦୟ ଜିତିଛି ।
ଖାସ୍ କରି ଭାରତୀୟ ଲୋକଙ୍କ ପାଇଁ ଏହା ଏକ ଉପହାର । ବର୍ତ୍ତମାନ ସୁଦ୍ଧା ପ୍ରାୟ ୩ ଲକ୍ଷରୁ ଅଧିକ ଲୋକ ଏହାକୁ ଇନଷ୍ଟାଗ୍ରାମରେ ଦେଖିସାରିଛନ୍ତି ଏବଂ ଲଗାତର ପ୍ରତିକ୍ରିୟା ରଖୁଛନ୍ତି । ଭିଡିଓରେ ନଜର ଆସୁଛି କି କିଛି ଭାରତୀୟ ମଧ୍ୟ ବିମାନରେ ଯାତ୍ରା କରୁଛନ୍ତି ଏବଂ ଜାତୀୟ ସଙ୍ଗୀତ ଶୁଣିବା ମାତ୍ରେ ସମସ୍ତେ ନିଜ ନିଜ ଆସନରୁ ଠିଆ ହୋଇପଡୁଛନ୍ତି । କିଛି ଲୋକ ଏହାକୁ ନିଜ କ୍ୟାମେରାରେ କଏଦ ମଧ୍ୟ କରୁଛନ୍ତି ।
Comments are closed.