ମେଣ୍ଟେଭିଡିଓ : ଉଗୁରୁଏ ଫୁଟବଲ ଦଳର ଷ୍ଟ୍ରାଇକର ଡିଏଗୋ ଫରଲାନ୍ ଫୁଟବଲରୁ ସନ୍ନ୍ୟାସ ଘୋଷଣା କରିଛନ୍ତି। ଦୀର୍ଘ ୨୧ ବର୍ଷର କ୍ୟାରିୟରରେ ଫରଲାନ୍ ଉରୁଗୁଏ ବ୍ୟତୀତ ବିଭିନ୍ନ ଖ୍ୟାତନାମା ଫୁଟବଲ କ୍ଲବ ତରଫରୁ ଖେଳିଥିଲେ।
ଫରଲାନ୍ କ୍ଲବସ୍ତରରେ ଆର୍ଜେଣ୍ଟିନାର ଇଣ୍ଡିପେଣ୍ଡିଏଟେ୍ କ୍ଲବ ତରଫରୁ ନିଜ କ୍ୟାରିୟର ଆରମ୍ଭ କରିଥିଲେ। ପରେ ସେ ମାଞ୍ଚେଷ୍ଟର ୟୁନାଇଟେଡ୍, ଭିଲାରିଅଲ୍, ଆଥଲାଟିକୋ ମାଦ୍ରିଦ୍, ଇଣ୍ଟର ମିଲାନ୍ ଆଦି ପ୍ରଖ୍ୟାତ କ୍ଲବ ତରଫରୁ ଖେଳିଥିଲେ। ୨୦୧୦ ପିଫା ବିଶ୍ବକପ୍ରେ ଫରଲାନ୍ ଉରୁଗୁଏ ତରଫରୁ ୫ଟି ଗୋଲ୍ ସ୍କୋର କରିବା ସହ ଶ୍ରେଷ୍ଠ ଖେଳାଳି ଭାବେ ସୁନା ବଲ୍ ପାଇଥିଲେ। ଫରନାଲ୍ ୨୦୧୧ରେ ଉରୁଗୁଏକୁ କୋପା ଆମେରିକା କପ୍ ଚମ୍ପିଆନ୍ କରାଇବାରେ ପ୍ରମୁଖ ଭୂମିକା ଗ୍ରହଣ କରିଥିଲେ। ଏହି ମ୍ୟାଚ୍ରେ ସେ ଦୁଇଟି ଗୋଲ୍ ସ୍କୋର କରିଥିଲେ। ୨୦୧୬ରେ ଫରଲାନ୍ ଇଣ୍ଡିଆ ସୁପର ଲିଗ୍ ଦଳ ମୁମ୍ବଇ ସିଟି ତରଫରୁ ଖେଳିଥିଲେ। ଗତବର୍ଷ ସେ ହଂକଂ ପ୍ରିମିୟର ଲିଗ୍ରେ କିଟ୍ଚି ସ୍ପୋର୍ଟସ୍ କ୍ଲବ ତରଫରୁ ଖେଳିଥିଲେ। ଉରୁଗୁଏ ଓ ବିଭିନ୍ନ କ୍ଲବ ତରଫରୁ ସେ ୨୫୦ରୁ ଅଧିକ ଗୋଲ୍ ସ୍କୋର କରିଛନ୍ତି।
Comments are closed.