ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦ୍ୱିତୀୟ କାର୍ଯ୍ୟକାଳର ଶେଷ ସଂସଦ ଅଧିବେଶନ ନିକଟରେ ଶେଷ ହୋଇଛି। ଚଳିତ ବର୍ଷ ଲୋକସଭାର ୫ଜଣ ଶ୍ରେଷ୍ଠ ସାଂସଦଙ୍କୁ ସଂସଦ ରତ୍ନ ପୁରସ୍କାର ପାଇଁ ଚୟନ କରାଯାଇଛି। ପୁରସ୍କାର ପାଇଁ ଘୋଷଣା ହୋଇଥିବା ତାଲିକାରେ ବିଜେପିର ସୁକାନ୍ତ ମଜୁମଦାର ଓ ଶିବସେନାର ଶ୍ରୀକାନ୍ତ ଏକନାଥ ସିନ୍ଦେଙ୍କ ନାମ ସାମିଲ ଅଛି। ସୁକାନ୍ତ ମଜୁମଦାର ପଶ୍ଚିମବଙ୍ଗର ବିଜେପି ସାଂସଦ ହୋଇଥିବାବେଳେ ଶ୍ରୀକାନ୍ତ ସିନ୍ଦେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ପୁଅ। ଫେବୃଆରୀ ୧୭ରେ ଏକ ସ୍ବତନ୍ତ୍ର ସମାରୋହରେ ଏହି ୫ଜଣ ସାଂସଦକୁ ସମ୍ମାନିତ କରାଯିବ।
ସଂସଦ ରତ୍ନ ପୁରସ୍କାର ପାଇବାକୁ ଥିବା ୫ଜଣ ସାଂସଦ ହେଉଛନ୍ତି, ବିଜେପିର ସୁକାନ୍ତ ମଜୁମଦାର, ସାଂସଦ ଶ୍ରୀକାନ୍ତ ଏକନାଥ ସିନ୍ଦେ, ବିଜେପିର ସୁଧୀର ଗୁପ୍ତା, ଏନସିପିର ରାମସିଂହ କୋହ୍ଲେ, କଂଗ୍ରେସର କୁଲଦୀପ ରାୟ ଶର୍ମା।
ସୂଚନାଯୋଗ୍ୟ, ପ୍ରତ୍ୟେକ ବର୍ଷ ସାଂସଦମାନଙ୍କ ପ୍ରଦର୍ଶନ ଆଧାରରେ ସଂସଦ ରତ୍ନ ପୁରସ୍କାର ପ୍ରଦାନ କରାଯାଇଥାଏ। ସଂସଦରେ ଶ୍ରେଷ୍ଠ ପ୍ରଦର୍ଶନକାରୀ ସାଂସଦମାନଙ୍କୁ ଏହି ପୁରସ୍କାର ପ୍ରଦାନ କରାଯାଇଥାଏ।
