ବାଳକାଟି,୭।୧୧:ଭୁବନେଶ୍ୱର-ପୁରୀ ବାଇପାସ ରାସ୍ତା ଟଙ୍କପାଣି ଟ୍ରାଫିକ ଛକ ନିକଟରେ ଏକ ଚଳନ୍ତା ଥାର ଗାଡି ଜଳିଯାଇଥିବା ଜଣାପଡିଛି । ଫଳରେ ଏଥିରେ ବସିଥିବା ଚାଳକ ସମେତ ୩ ଜଣ ଲୋକ ଅଳ୍ପକେ ବର୍ତ୍ତି ଯାଇଛନ୍ତି । ଖବରନେବାରେ ଜଣାପଡିଛି ଭୁବନେଶ୍ୱର ଅଞ୍ଚଳରୁ ୩ ରୁ ୪ ଜଣ ଯୁବକ ଏକ ଥାର ଗାଡି ଯୋଗେ ଲିଙ୍ଗିପୁର ଆଡକୁ ଯାଉଥିଲେ । ସନ୍ଧ୍ୟା ପ୍ରାୟ ୭ ଟାରେ ଉପରୋକ୍ତ ସ୍ଥାନରେ ହଠାତ ଗାଡିର ପଛ ପଟୁ ଧୂଆଁ ବାହାରିଥିଲା । ଲୋକେ ଏହା ଦେଖି ଚାଳକଙ୍କୁ କହିଥିଲେ । ଚାଳକ ଏବଂ ସେଥିରେ ବସିଥିବା ୨ ରୁ ୩ ଜଣ ଯୁବକ ଭୟଭୀତ ହୋଇ ଗାଡିରୁ ଡେଇଁପଡ଼ିଥିଲେ । କିଛି କ୍ଷଣ ଭିତରେ ଗାଡିଟି ହୁଦ ହୁଦ ହୋଇ ଜଳି ଉଠିଥିଲା । ରାସ୍ତା ଉପରେ ଗାଡି ଜଳୁଥିବାରୁ ଭୁବନେଶ୍ୱରରୁ ଉତ୍ତରା ଅଭିମୁଖେ ଯାଉଥିବା ଯାନବାହାନ ଚଳାଚଳ ବ୍ୟାଘାତ ଦେଖାଯିଵା ସହ ଟ୍ରାଫିକ ସମସ୍ୟା ଦେଖାଦେଇଥିଲା । ଖବରପାଇ ବଡ଼ଗଡ଼ ଥାନା ପୁଲିସ ଏବଂ ବାଲିଅନ୍ତା ଅଗ୍ନିଶମ ବାହିନୀ ପହଞ୍ଚି ନିଆଁକୁ ଲିଭାଇ ଥିଲେ । ପ୍ରାୟ ୩୦ ମିନିଟ ପରେ ଯାନବାହାନ ଚଳାଚଳ ସ୍ୱାଭାବିକ ହୋଇଥିଲା । ଗାଡିର ଯାନ୍ତ୍ରିକ ତ୍ରୁଟି ଯୋଗୁଁ ଏଭଳି ହୋଇଥିବା ଅନୁମାନ କରାଯାଉଛି ।
Popular Categories
Previous article
Next article