ବନରକ୍ଷୀଙ୍କୁ ଦୁର୍ବ୍ୟବହାର ଘଟଣା ଟ୍ରାକ୍ଟର ଚାଳକ ଗିରଫ

ପାଟଣା-୭/୧୧: ବନାଞ୍ଚଳ ତଣ୍ଡୋ ବିଟ ବନରକ୍ଷୀ ଦେବଜାନୀ ମହାନ୍ତ ଙ୍କୁ ଗତ ୩୧ ତାରିଖ ଅପରାହ୍ନ ରେ ଦୁର୍ବ୍ୟବହାର କରି ବାଲି ବୋଝେଇ କରିଥିବା ଏକ ଟ୍ରାକ୍ଟର ଚାଳକଙ୍କୁ ଆଜି ବନବିଭାଗ ଗିରଫ କରିଛି।ଏହି ଘଟଣା ରେ ସମ୍ପୃକ୍ତ ଅନ୍ୟ ମାନଙ୍କୁ ମଧ୍ୟ ଗିରଫ କରାଯିବ ବୋଲି ବନବିଭାଗ ସୂଚନା ଦେଇଛି। ଗିରଫ ଟ୍ରାକ୍ଟର ଚାଳକ ଜଣକ ପିଛୁଳାବେଡା ଗ୍ରାମର ଧରଣୀଧର ନାୟକ(୩୦)ବୋଲି ଜଣାପଡିଛି । ସୂଚନାଯୋଗ୍ୟ ଯେ ବନରକ୍ଷୀ ଶ୍ରୀମତୀ ମହାନ୍ତ ଟ୍ରାକ୍ଟର ଜବଦ କରୁଥିବା ସମୟରେ ବାଲି ବୋଝେଇ ଟ୍ରାକ୍ଟର ରୁ ବାଲି ଅନଲୋଡ଼ କରି ଟ୍ରାକ୍ଟର କୁ ଚାଳକ ନେଇ ଯାଇଥିଲେ।ଆଜି ବନାଞ୍ଚଳ ଅଧିକାରୀ ବନବିହାରୀ ସର୍ଦ୍ଦାର ପାଟଣା ବନପାଳ ନିରଞ୍ଜନ ସେଠୀ, ସାହାରପଡା ବନପାଳ ଶ୍ରୀମନ୍ତ ବେହେରା, ବନରକ୍ଷୀ ଦେବଜାନୀ ମହାନ୍ତ, ହୃଦାନନ୍ଦ ମହାନ୍ତି, ଓ ରଞ୍ଜିତା ମହାନ୍ତ ପ୍ରମୁଖ ପିଛୁଳାବେଡ଼ାରେ ଚଢ଼ାଉ କରି ଧରଣୀଧର ଙ୍କୁ ଗିରଫ କରିଛନ୍ତି।ତାଙ୍କ ଠାରୁ ସୂଚନା ଆଧାରରେ ଅନ୍ୟ ମାନଙ୍କୁ ଗିରଫ କରିବ ବୋଲି ବନବିଭାଗ କହିଛି।