ଆରଡ଼ି : ଭଦ୍ରକ ଜିଲା ଆରଡ଼ି ପଞ୍ଚାୟତ ଅଧିନସ୍ଥ ମୁଆଁ ଗାଁରେ ବୁଧବାର ବିଳମ୍ବିତ ରାତିରେ ଅଗ୍ନିକାଣ୍ଡ ଘଟି ୨ ପରିବାରର ୩ ବଖରା ଘର ଭସ୍ମିଭୂତ ହୋଇଯାଇଛି। ସର୍ବେଶ୍ୱର ମଲ୍ଲିକ ଓ ପିତାମ୍ବର ମଲ୍ଲିକଙ୍କ ୩ ବଖରା ଘର ସହ ସମସ୍ତ ଆସବାବପତ୍ର ଓ ଧାନ ଚାଉଳ ଆଦି ପୋଡ଼ି ନଷ୍ଟ ହୋଇଯାଇଛି। ପରିବାର ଓ ଗାଁ ଲୋକେ ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ ମଧ୍ୟ ବିଫଳ ହୋଇଥିଲେ। ଏପରିକି ଧାମନଗର ଅଗ୍ନିଶମ ବାହିନୀ ଖବର ପାଇ ଆସିଲା ବେଳକୁ ସବୁକିଛି ଜଳିପୋଡ଼ି ପାଉଁଶ ହୋଇଯାଇଥିଲା।
