ଢେଙ୍କାନାଳ : ଢେଙ୍କାନାଳ ଜିଲା କାଲ୍ଟେକ୍ସ ଛକ ନିକଟରେ ୨ଟି ବସ ହୁତୁହୁତୁ ହୋଇ ଜଳି ଯାଇଛି। ଘଟଣାସ୍ଥଳରେ ଅଗ୍ନିଶମ କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିବାକୁ ଉଦ୍ୟମ ଜାରି ରଖିଛନ୍ତି। ତେବେ ବସରେ ନିଆଁ ଲାଗିବାର କାରଣ ଅସ୍ପଷ୍ଟ ରହିଛି। ଟାଉନ ଥାନା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
ସୂଚନାଯୋଗ୍ୟ ଯେ, ବହୁତ ଦିନ ହେଲା ୨ଟି ବସ ଅଚଳ ଅବସ୍ଥାରେ ପଡି ରହିଥିଲା। ତେବେ ମଙ୍ଗଳବାର ସକାଳେ ବସରେ ନିଆଁ ଲାଗିଯାଇଥିଲା। ସ୍ଥାନୀୟ ଲୋକେ ଏହା ଦେଖଇ ପୁଲିସକୁ ଖବର ଦେଇଥିଲେ।
