କୋଲକତା .- କୋଲକତାର ବ୍ୟାଗ୍ରୀ ମାର୍କେଟରେ ଲାଗିଥିବା ନିଆଁକୁ ତିନି ଦିନ ପରେ ସମ୍ପୂର୍ଣ୍ଣ ଭାବେ ନିୟନ୍ତ୍ରଣ କରାଯାଇଥିବା କୋଲକାତା ଅଗ୍ନିଶମ ବିଭାଗ ସୂଚନା ଦେଇଛି । ଏହି ଅଗ୍ନିକାଣ୍ଡରେ ୧୦୦୦ ଊର୍ଦ୍ଧ୍ୱ ଦୋକାନ ପୋଡି ପାଉଁଶ ହୋଇଯାଇଛି ।
ରବିବାର ସକାଳେ ବାଗ୍ରୀ ମାର୍କେଟରେ ନିଆଁ ଲାଗିଥିଲା । ଗୋଟିଏ ଦୋକାନରୁ ଅଗ୍ନିକାଣ୍ଡ ଆରମ୍ଭ ହେବାପରେ ଏହା ଧୀରେ ଧୀରେ ଅନ୍ୟ ଦୋକାନମାନଙ୍କୁ ବ୍ୟାପିଯାଇଥିଲା । ଏଥିରେ ଏକ ହଜାରରୁ ଅଧିକ ଦୋକନା କ୍ଷତିଗ୍ରସ୍ତ ହୋଇଛି । ଦୂର୍ଗାପୂଜା ପାଇଁ ବ୍ୟବସାୟୀମାନେ ବହୁତ ଜିନିଷ ରଖିଥିବାରୁ ନିଆଁ ଲାଗି ଅଧିକ କ୍ଷତି ହୋଇଛି । ଏବେ କେଉଁ କାରଣରୁ ନିଆଁ ଲାଗିଥିଲା ସେ ବିଷୟରେ ତଦନ୍ତ କରାଯାଉଥିବା ପୁଲିସ ସୂଚନା ଦେଇଛି ।
