କିର୍ମିରା : କିର୍ମିରା ବ୍ଳକ ବେହେରାମାଲ ଗ୍ରାମର ୪ଜଣ ଚାଷୀଙ୍କ ୬ଏକର ଜମିର ଧାନ ଖରିରେ ଜଣେ ବ୍ୟକ୍ତି ନିଆଁ ଲଗାଇ ଦେବାରୁ ସବୁ ତକ ଅମଳ ପୋଡ଼ି ପାଉଁଶ ହୋଇଯାଇଛି । ସୋମବାର ରାତି ପ୍ରାୟ ୨ରୁ ୩ଟା ମଧ୍ୟରେ ଚାଷୀମାନେ ଖଳାରେ ନିଆଁ ଜଳିବାର ଦେଖି କିର୍ମିରା ଅଗ୍ନିଶମ ବିଭାଗକୁ ଖବର ଦେବାରୁ ଦମକଳ ଆସି ନିଆଁ ଲିଭାଇଥିଲା । ହେଲେ ସେତେବେଳେକୁ ଧାନ ପୋଡ଼ି ପାଉଁଶ ହୋଇ ସାରିଥିଲା । ଗାଁର ବିନୋଦ ବିହାରୀ ମାଝୀ ଏହି ଖରି ପୋଡ଼ି ଦେଇ ଥିବା ନେଇ ଲଇକେରା ଥାନାରେ ଅଭିଯୋଗ ହୋଇଛି । ତେଣୁ ପୁଲିସ ତାକୁ ଗିରଫ କରି ତଦନ୍ତ ଜାରି ରଖିଛି । ଅଞ୍ଚଳର କେତେ ବ୍ୟକ୍ତି ବିନୋଦକୁ ମାନସିକ ରୋଗୀ କହୁଥିବାବେଳେ ଗରିବ ଚାଷୀଙ୍କ ସହ ଝଗଡା ହେତୁ ପ୍ରତିଶୋଧ ପରାୟଣ ହୋଇ ଖରି ପୋଡ଼ି ଦେଇଥିବା କେତେକ ଅଭିଯୋଗ କରିଛନ୍ତି । କ୍ଷତିଗ୍ରସ୍ତ ଚାଷୀ ଗଣେଶ ବାଗଙ୍କ ୩ଏକର, ସୁରେଶ ବାଗଙ୍କ ୧ଏକର, ନବୀନ ପିଙ୍ଗଙ୍କ ୧.୫ଏକର, ଅଜିତ ମୁଣ୍ତାଙ୍କ ୩୦ଡିସମିଲ ଚାଷ ଜମିର ଧାନ ଓ ସନ୍ତୋଷ ମାଝୀଙ୍କ ପୁଆଲ ଭାଡି ପୋଡି ଦେଇଛି । ଏହି ଗରିବ ଚାଷୀମାନେ ଋଣ କରଜ କରି ଚାଷ କରିଥିବାବେଳେ ଏବେ ସବୁ ତକ ଅମଳ ପୋଡ଼ି ଯିବାରୁ ପରିବାର ପରିପୋଷଣ କରିବେ ସେ ନେଇ ଚିନ୍ତିତ ଅଛନ୍ତି । ଏଣୁ ଅଭିଯୁକ୍ତ କିମ୍ବା ପ୍ରଶାସନ ଏହାର କ୍ଷତିପୂରଣ ଦେବାକୁ ଦାବି କରିଛନ୍ତି ।
Popular Categories
Previous article
Next article