ଫୁଲବାଣୀ : କନ୍ଧମାଳ ଜିଲାର ବିଭିନ୍ନ ବ୍ଳକର ଅଧ୍ୟକ୍ଷ ଓ ଉପାଧ୍ୟକ୍ଷ ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ନିମନ୍ତେ ନବୀନ ନିବାସରେ ୫-ଟି ସଚିବ ଭି.କେ.ପାଣ୍ଡିଆନଙ୍କୁ ସାକ୍ଷାତ କରିଛନ୍ତି। ଏହି ସାକ୍ଷାତ ସମୟରେ କନ୍ଧମାଳ ଜିଲାର ବିଭିନ୍ନ ବ୍ଳକର ସୁବିଧା ଓ ଅସୁବିଧା ସଂମ୍ପର୍କରେ ଅବଗତ କରିବା ସହିତ ଏ ଦିଗରେ କିଭଳି ଭାବେ ପଦକ୍ଷେପ ନିଆଯାଇ ପାରିବ ସେ ଉପରେ ମଧ୍ୟ ଆଲୋଚନା କରିଥିଲେ। ସେହିଭଳି ୫-ଟି ଉପରେ ନିଜେ ସଚିବ ଅବଗତ କରିବା ସହିତ ଏହାର କାର୍ଯ୍ୟକାରିତା ଦିଗରେ ବ୍ଳକ ଅଧ୍ୟକ୍ଷ ଓ ଉପାଧ୍ୟକ୍ଷ ଭାବେ ଦୃଷ୍ଟିଦେଇ କାର୍ଯ୍ୟକରିବା ପାଇଁ ପରାମର୍ଶ ଦିଆଯାଇଥିବାର ଜଣାଯାଇଛି।
ସେହିଭଳି ପ୍ରତି ବ୍ଳକରେ ମିଶନ ଶକ୍ତି ଯେଭଳି ଭାବେ ସଫଳ ହୋଇ ପାରିବ ସେ ଦିଗରେ ମଧ୍ୟ ଦୃଷ୍ଟିଦେବାକୁ ଏହି ସାକ୍ଷାତ ବେଳେ ପରାମର୍ଶ ଦିଆଯାଇଛି। ୫-ଟି ସଚିବଙ୍କୁ କନ୍ଧମାଳ ଜିଲାରେ ବିଜେଡ଼ି ଦଳ ଅଧ୍ୟକ୍ଷ ଓ ଉପାଧ୍ୟକ୍ଷ ଗଠନ ହୋଇଥିବା ଫିରିଙ୍ଗିଆ, ରାଇକିଆ , ତୁମୁଡ଼ିବନ୍ଧ , ଦାରିଙ୍ଗବାଡ଼ି , ଖଜୁରିପଡ଼ା , ଜି.ଉଦୟଗିରି , ଟିକାବାଲି , ବାଲିଗୁଡ଼ା ,ଚକାପାଦ ଓ କ,ନୂଆଗାଁ ବ୍ଳକର ଉଭୟ ଅଧ୍ୟକ୍ଷ ଓ ଉପାଧ୍ୟକ୍ଷ ମାନେ ସାକ୍ଷାତ କରିଥିବା ବେଳେ ଫୁଲବାଣୀ ବ୍ଳକର କେବଳ ଅଧ୍ୟକ୍ଷ ଓ କୋଟଗଡ଼ ବ୍ଳକର କେବଳ ଉପାଧ୍ୟକ୍ଷ ସାକ୍ଷାତ କରିଥିଲେ। ପ୍ରକାଶଯେ, କନ୍ଧମାଳ ଜିଲାର ୧୨ ଟି ବ୍ଳକ ମଧ୍ୟରୁ ଫୁଲବାଣୀ ପଂଚାୟତ ସମିତିର ଉପାଧ୍ୟକ୍ଷ ବିଜେପି ହାତରେ ଥିବା ବେଳେ କୋଟଗଡ଼ ବ୍ଳକର ଅଧ୍ୟକ୍ଷ ପଦବି କଂଗ୍ରେସ ହାତରେ ରହିଛି।
୫-ଟି ସଚିବଙ୍କୁ ଭେଟିଲେ କନ୍ଧମାଳ ଜିଲାର ବିଭିନ୍ନ ବ୍ଳକର ଅଧ୍ୟକ୍ଷ ଓ ଉପାଧ୍ୟକ୍ଷ
Popular Categories
Previous article
Next article