ଫୁଲବାଣୀ: କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ଅଧୀନ ବନ୍ଧଗଡ଼ଠାରେ ଅଧିଷ୍ଠାତ୍ରୀ ଦେବୀ ମା’ ବରାଳ ଦେବୀଙ୍କ ଐତିହାସିକ ବାର୍ଷିକ ପୂଜା ସହ ଯାତ୍ରା ଆରମ୍ଭ ହୋଇଯାଇଛି। ପ୍ରତ୍ୟେକ ବର୍ଷପରି ଚଳିତ ବର୍ଷ ମଧ୍ୟ ଯାତ୍ରା ପରିଚାଳନା କମିଟି ତରଫରୁ ବହୁ ଧୂମଧାମରେ ଯାତ୍ରା ଆରମ୍ଭ ହୋଇଛି। ତିନିଦିନ ଧରି ଅନୁଷ୍ଠିତ ହେବାକୁ ଥିବା ଏହି ଯାତ୍ରାର ପ୍ରଥମ ଦିନରେ ଏକ ବିରାଟ ପଟୁଆରରେ ପାରମ୍ପରିକ ବାଜା ବାଦ୍ୟ ସହ ପୂଜକ ବାହକଙ୍କ ସହ ମା’ଙ୍କ ସମସ୍ତ ସେବାୟତ ମା’ଙ୍କ ମନ୍ଦିରରେ ପହଂଚିଥିଲେ। ଏହା ପରେ ପରମ୍ପରା ଅନୁସାରେ ମନ୍ଦିରରେ ମା’ଙ୍କ ପୂଜା ଅନୁଷ୍ଠିତ ହୋଇଥିଲା। ଅନ୍ୟପଟେ ପ୍ରତ୍ୟେକ ବର୍ଷ ପରି ଚଳିତ ବର୍ଷ ମଧ୍ୟ ମାନସିକଧାରୀମାନଙ୍କ ସହ ହଜାର ହଜାର ଭକ୍ତଙ୍କ ସମାଗମ ଦେଖିବାକୁ ମିଳିଥିଲା।
ଶ୍ରଦ୍ଧାଳୁମାନଙ୍କ ସାମଗମକୁ ଆଖି ଆଗରେ ରଖି ଫିରିଙ୍ଗିଆ ଥାନା ପକ୍ଷରୁ ସୁରକ୍ଷା ବ୍ୟବସ୍ଥାକୁ ମଧ୍ୟ ବ୍ୟାପକ କରାଯାଇଥିଲା। ଏହି ଯାତ୍ରା ପାଇଁ ପ୍ରତ୍ୟେକ ଦିନ ରାତିରେ ବିଭିନ୍ନ ପ୍ରକାର ମନୋରଞ୍ଜନର ବ୍ୟବସ୍ଥା କରାଯାଇଥିବା ବେଳେ ମୀନାବଜାର, ରାମ ଦୋଳି ବ୍ୟବସ୍ଥା କରାଯାଇଛି। ଏହି ଯାତ୍ରାକୁ ପରିଚଲାନା କରିବା ପାଇଁ ଯାତ୍ରା କମିଟି ସଭାପତି, ସମ୍ପାଦକ କୋଷାଧ୍ୟକ୍ଷଙ୍କ ସହ ସମସ୍ତ ସଦସ୍ୟ ଉପସ୍ଥିତ ରହି ପରିଚାଳନା କରୁଥିବା ଦେଖିବାକୁ ମିଳିଥିଲା। ପ୍ରତ୍ୟେକ ବର୍ଷ ପରି ତିନିଦିନ ଧରି ଯାତ୍ରାଟି ଶାନ୍ତି ଶୃଙ୍ଖଳାର ସହ କରାଯିବ ବୋଲି କମିଟି ପକ୍ଷରୁ ସୂଚନା ଦିଆଯାଇଛି।
Comments are closed.