ଚୌଦ୍ୱାର : ଚୌଦ୍ୱାର ନଗର ବିଜେଡି କାର୍ଯ୍ୟକାରୀ ସଭାପତି ଭାବେ ବିମଲ କୁମାର ବେଉରାଙ୍କୁ ପୁର୍ବତନ ବିଧାୟକ ପ୍ରଭାତ ରଞ୍ଜନ ବିଶ୍ୱାଳ ଦାୟିତ୍ୱ ପ୍ରଦାନ କରିଛନ୍ତି । ଜଣେ ଦକ୍ଷ ଯୁବ ସଂଗଠକ ତଥା କଳିଙ୍ଗ ବଜାରର ଉପସଭାପତି ଭାବେ ବିମଲ ଦୀର୍ଘ ଦିନ ଧରି କାର୍ଯ୍ୟକରି ଆସୁଥିବା ବେଳେ ବର୍ତ୍ତମାନ ଦଳକୁ ତୃଣମୁଳ ସ୍ତରରୁ ଆହୁରି ମଜବୁତ କରିବାକୁ ପ୍ରୟାସ ଜାରୀ ରଖିବେ ବୋଲି କହିଛନ୍ତି । ବିମଲଙ୍କ ଦାୟିତ୍ୱ ଗ୍ରହଣ ପରେ ଚୌଦ୍ୱାରରେ ବିଜୁ ଜନତାଦଳ କର୍ମୀ ମହଲରେ ଉତ୍ସାହ ବଢିବା ସହିତ ତାଙ୍କୁ ବିଭିନ୍ନ ମହଲରୁ ଶୁଭେଚ୍ଛା ପ୍ରଦାନ କରାଯାଇଛି । ଏହି ପରୀପ୍ରେକ୍ଷିରେ କଳିଙ୍ଗ ବଜାର ପୁଜା କମିଟି ପକ୍ଷରୁ ଶନିବାର ଏକ ସମ୍ବର୍ଦ୍ଧନା କାର୍ଯ୍ୟକ୍ରମ ସ୍ଥାନୀୟ ମହାଲକ୍ଷ୍ମୀ ମନ୍ଦିର ପ୍ରାଙ୍ଗଣରେ ଅନୁଷ୍ଠିତ ହୋଇଯାଇଛି । ବଜାର କମିଟି କାର୍ଯ୍ୟକାରୀ ସଭାପତି ପ୍ରଶାନ୍ତ କୁମାର ସାହୁଙ୍କ ପୌରହିତ୍ୟରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଅକ୍ଷୟ କୁମାର ସାହୁ, ସୋରେନ ବେହେରା, ରମେଶ ଚନ୍ଦ୍ର ନାୟକ, ସୁକାନ୍ତ କୁମାର ସାହୁ, ସରୋଜ କୁମାର ସ୍ୱାଇଁ, ଅତୁଲ୍ୟ ବେହେରା, ବାବାଜି ପୃଷ୍ଟି, ସନ୍ତୋଷ ବାରିକ୍, ପ୍ରାଶାନ୍ତ ଆଚାର୍ଯ୍ୟଙ୍କ ସମେତ ବହୁ ଦଳୀୟ କର୍ମୀ ଉପସ୍ଥିତ ରହି ପୁଷ୍ପଗୁଚ୍ଛ ଓ ଉତ୍ତରୀୟ ଦେଇ ବିମଲକଙ୍କୁ ସମ୍ବର୍ଦ୍ଧନା ଜଣାଇଥିଲେ।
Comments are closed.