ଯାଜପୁର : ଯାଜପୁର ଜିଲା ବିଂଝାରପୁର ବ୍ଲକ ଉଡ୍ରଙ୍ଗ ପଞ୍ଚାୟତରେ ଏକ ଅଭାବନୀୟ ଘଟଣା ଘଟିଯାଇଛି। ୮ ବର୍ଷର ପୁଅର ମୃତ୍ୟୁ ପରେ ବାପାମା’ ବିଷପିଇ ଆତ୍ମହତ୍ୟା କରିଛନ୍ତି। ବିଝାଂରପୁର ଥାନା ଅର୍ନ୍ତଗତ ଉଡ୍ରଙ୍ଗ ପଞ୍ଚାୟତର କୁରି ସାହିର ପ୍ରଦୀପ ଓ ପ୍ରଭାତୀ ଯେନାଙ୍କ ଏକମାତ୍ର ପୁଅ ଓମ କିଛିଦିନ ହେଲା ରକ୍ତଶିକୁଳି ରୋଗରେ ପୀଡିତ ଥିଲା। ପ୍ରତି ଏକ ମାସରେ ଥରେ ଓମକୁ ରକ୍ତ ଦିଆଯାଉଥିଲା। ସୋମବାର ଅବସ୍ଥା ଗୁରୁତର ହେବାରୁ ବାପା ମା’ କଟକ ବଡମେଡିକାଲ ଆଇସିୟୁରେ ଭର୍ତ୍ତି କରିଥିଲେ। ହେଲେ ଭାଗ୍ୟର ବିଡମ୍ବନା ଓମ୍ର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି। ବାପାମା’ ମୃତଦେହକୁ ଧରି ଗଁାକୁ ଫେରିଥିଲେ। ପୁଅର ସତ୍କାର ପରେ ମାନସିକ ଭାରସାମ୍ୟ ହରାଇ ବୁଧବାର ଉଭୟ ପ୍ରଦୀପ ଏବଂ ପ୍ରଭାତୀ ବିଷ ପିଇ ଦେଇଥିଲେ। ସେମାନେ ବିଳମ୍ବିତ ସମୟ ଯାଏ ଘର କବାଟ ନ ଖୋଲିବାରୁ ପରିବାର ଲୋକେ କବାଟ ଭାଙ୍ଗି ତାଙ୍କୁ ଉଦ୍ଧାର କରିଥିଲେ। ପରେ ସେମାନଙ୍କୁ ମେଡିକାଲ ନିଆଯାଇଥିଲା; ହେଲେ ଡାକ୍ତର ମୃତ ଘୋଷଣା କରିଥିଲେ। ଏହାକୁ ନେଇ ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇଛି।
