ଭୁବନେଶ୍ବର: ନବନିର୍ମାଣ କୃଷକ ସଂଗଠନର ଆନ୍ଦୋଳନ ଆଜି ଷଷ୍ଠ ଦିନରେ ପହଞ୍ଚିଛି । ରାଜଧାନୀ ଲୋୟର ପିଏମଜି ଛକରେ ଶତାଧିକ ଚାଷୀ ଏହି ଆନ୍ଦୋଳନରେ ସାମିଲ ହୋଇଛନ୍ତି । କୃଷକଙ୍କୁ ପ୍ରାଇସ୍, ପ୍ରେଷ୍ଟଜ୍ ଓ ପେନସନ୍ ସଂଗଠନର ମୁଖ୍ୟ ଦାବି ରହିଛି । କୃଷକମାନେ ବାରମ୍ବାର ନ୍ୟାଯ୍ୟ ଦାବି କରି ଆସୁଥିଲେ ମଧ୍ୟ ସରକାର ଏହାକୁ ଅଣଦେଖା କରିଆସୁଛନ୍ତି । ରଜ୍ୟସରକାର ଦାବି ପୂରଣ ନ ହେଲେ ଆନ୍ଦୋଳନ ତୀବ୍ର ରୂପ ନେବ ବୋଲି ନବନିର୍ମାଣ କୃଷକ ସଂଗଠନ ପକ୍ଷରୁ ଚେତାବନୀ ଦିଆଯାଇଛି ।
ଯେଉଁ କୃଷକମାନଙ୍କ ପ୍ରତି ଅଣଦେଖା ଆଉ ବରଦାସ୍ତ କରାଯିବ ନାହିଁ ବୋଲି ନବନିର୍ମାଣ କୃଷକ ସଂଗଠନର ଜାତୀୟ ସଂଯୋଜକ ଅକ୍ଷୟ କୁମାର କହିଛନ୍ତି । ୩୬ ଲକ୍ଷ ଚାଷୀଙ୍କ ପାଇଁ ୫ ହଜାର ଟଙ୍କା ହିସାବରେ ୨୧ ହଜାର ୬୦୦ କୋଟି ଟଙ୍କା ଭତ୍ତା ବାବଦରେ ଦିଆ ନଯାଏ, ତେବେ ଆଗାମୀ ଦିନରେ ସଂଗଠନ ପକ୍ଷରୁ ଭବିଷ୍ୟତର କାର୍ୟ୍ୟପନ୍ଥା ନେଇ ନିଷ୍ପତି ନିଆଯିବ । ଚଳିତ ବର୍ଷ ବଜେଟରେ ଏହି ଭତ୍ତା ନେଇ ବ୍ୟବସ୍ଥା କରିବାକୁ ସଂଗଠନ ପକ୍ଷରୁ ଦାବି କରାଯାଇଛି।
- Advertisement -
