ସମ୍ବଲପୁର: ଉତ୍ସର୍ଗ ଅନୁଷ୍ଠାନର ସହଯୋଗରେ ଭିମସାରର ଆନାଟୋମି ବିଭାଗକୁ ଅନ୍ତର୍ଯ୍ୟାମୀ ତ୍ରିପାଠୀଙ୍କ ମୃତ୍ୟୁ ପରେ ତାଙ୍କର ଇଚ୍ଛାନୁଯାୟୀ ଶରୀର ଦାନ କରାଯାଇଛି । ଗୁରୁବାର ସକାଳେ ଶ୍ରୀ ତ୍ରିପାଠୀଙ୍କ ସ୍ୱର୍ଗବାସ ହୋଇଥିବା ବେଳେ ମୃତ୍ୟୁ ପୂର୍ବରୁ ସେ ଉତ୍ସର୍ଗ ଅନୁଷ୍ଠାନକୁ ଶରୀର ଦାନର ସଙ୍କଳ୍ପ ପତ୍ର ପ୍ରଦାନ କରିଥିବାରୁ ଅନୁଷ୍ଠାନର ସହଯୋଗରେ ପରିବାରବର୍ଗଙ୍କ ଉପସ୍ଥିତିରେ ତାଙ୍କର ସମ୍ପୂର୍ଣ୍ଣ ଶରୀରକୁ ଡାକ୍ତରୀ ଶିକ୍ଷା ଓ ଅନୁସନ୍ଧାନ ପାଇଁ ଆନାଟୋମି ବିଭାଗକୁ ଦାନ କରାଯାଇଥିଲା। ଏହି ଅବସରରେ ଆନାଟୋମି ବିଭାଗର ଡା. ମମତା ସର ଓ ଅନ୍ୟ କର୍ମଚାରୀମାନଙ୍କ ସହିତ ସ୍ୱର୍ଗତ ତ୍ରିପାଠୀଙ୍କ ପରିବାରବର୍ଗ ଏବଂ ଉତ୍ସର୍ଗର ପ୍ରଶାନ୍ତ ପାଟ୍ଟଯୋଶୀ, ରଜନୀ ନାଗ, ଜୟନ୍ତ ନନ୍ଦ, ପ୍ରବୀଣ ଦୀକ୍ଷିତ, ଶିବ ନାରାୟଣ ପାଣିଗ୍ରାହୀ, ସୁଧିର ପୂଜାରୀ ପ୍ରମୁଖ ଉପସ୍ଥିତ ରହିଥିଲେ।
Comments are closed.