ଅନୁଗୁଳ: ଅନୁଗୁଳର ମେଡିକାଲରୁ ମୃତକଙ୍କ ଆଖି ଗାଏବ ଘଟଣାର ପର୍ଦ୍ଦାଫାସ ହୋଇଛି । ଶୁକ୍ରବାର ବ୍ୟବଚ୍ଛେଦ ରିପୋର୍ଟ ଆସିଲା ପରେ ଆଖି ଚୋରି ହୋଇଥିବା ସ୍ପଷ୍ଟ ହୋଇଛି । ପୋଷ୍ଟମର୍ଟମ ରିପୋର୍ଟ ଅନୁଯାୟୀ ସେପ୍ଟସେମିଆ ରୋଗ ଯୋଗୁଁ ଶିଶୁକନ୍ୟାର ଆଖି ନଷ୍ଟ ହୋଇଛି । ସେହିପରି ଦ୍ୱିତୀୟ ଅଭିଯୋଗର ମଧ୍ୟ ରିପୋର୍ଟ ପ୍ରକାଶ ପାଇଛି । ରିପୋର୍ଟରେ ପ୍ରକାଶ ପାଇବା ପରେ ଶବାଗାରରୁ ଆଖି ଚୋରି ହୋଇନାହିଁ ବୋଲି ବୋଲି ସିଡିଏମଓ ପ୍ରତାପ କୁମାର ବେହେରା କହିଛନ୍ତି ।
ସୂଚନାଯୋଗ୍ୟ, ଗତ ୧୯ ତାରିଖରେ ଅନୁଗୁଳ ମେଡିକାଲର ଶବାଗାରରୁ ୪ ବର୍ଷର ଶିଶୁକନ୍ୟାର ୨ଟି ଆଖି ଗାଏବ ହୋଇଥିବା ଖବର ମିଳିଥିଲା । ଶବାଗାରରୁ କେହି ଶିଶୁର ୨ଟି ଆଖି ତାଡି ନେଇଥିବା ଅଭିଯୋଗ ହୋଇଥିଲା । ଏହାର କିଛି ଦିନ ମଧ୍ୟରେ ଜରପଡା ଥାନା ଅନ୍ତର୍ଗତ କୁଶକିଳା ଗାଁର ଜମ୍ବେଶ୍ୱର ନାୟକଙ୍କ ଡାହାଣ ଆଖି ଚୋରି ହୋଇଥିବା ଅଭିଯୋଗ ହୋଇଥିଲା ।
