ନୂଆଦିଲ୍ଲୀ : ବାର୍ଷିକ ୮ଲକ୍ଷ ଟଙ୍କା ରୋଜଗାର କରୁଥିବା ପରିବାର ଆର୍ଥିକ ପଛୁଆ ବର୍ଗ (ଇଡବ୍ଲ୍ୟୁଏସ୍) ବିବେଚିତ ହେବେ। ଏପରି ପରିବାରର ପିଲାମାନେ ଇଡବ୍ଲ୍ୟୁଏସ୍ ସଂରକ୍ଷଣ ସୁବିଧା ପାଇପାରିବେ। ସେହିପରି ଯେଉଁ ପରିବାରର ୫ଏକରରୁ କମ୍ ଚାଷ ଜମି ଥିବ ସେମାନେ ମଧ୍ୟ ଇଡବ୍ଲ୍ୟୁଏସ୍ ସୁବିଧା ପାଇପାରିବେ। ସ୍ନାତକତ୍ତୋର ଡାକ୍ତରୀ ପାଠ୍ୟକ୍ରମରେ ନାମଲେଖାରେ ଇଡବ୍ଲ୍ୟୁଏସ୍ ସଂରକ୍ଷଣ ବ୍ୟବସ୍ଥାକୁ ନେଇ ବିବାଦ ଦେଖାଯାଇଥିବାବେଳେ ସର୍ବୋଚ୍ଚ ଅଦାଲତରେ ସତ୍ୟପାଠ ଦାଖଲ କରି କେନ୍ଦ୍ର ସରକାର ଏହି ମାନଦଣ୍ଡ ଧାର୍ଯ୍ୟ କରିଛନ୍ତି। ସ୍ନାତକୋତ୍ତର ଡାକ୍ତରୀ ପାଠ୍ୟକ୍ରମରେ ସଂରକ୍ଷଣ ସୁବିଧା ସମ୍ପର୍କରେ ଜାନୁଆରୀ ୬ରେ ସର୍ବୋଚ୍ଚ ନ୍ୟାୟାଳୟ ଶୁଣାଣି କରିବେ। ସଂରକ୍ଷଣ ସୁବିଧା ବିବାଦକୁ ନେଇ ନିଟ୍ ପିଜି ନାମଲେଖା କାଉନସେଲିଂ ବିଳମ୍ବ ହୋଇଥିବାବେଳେ ଏହାକୁ ନେଇ ରେସିଡେଣ୍ଟ ଡାକ୍ତରମାନେ ଆନ୍ଦୋଳନ କରିଥିଲେ। ଜାନୁଆରୀ ୬ରେ ସର୍ବୋଚ୍ଚ ଅଦାଲତ ଶୁଣାଣି କରିବା ପରେ ପିଜି କାଉନସେଲିଂ ତାରିଖ ଧାର୍ଯ୍ୟ କରାଯିବ ବୋଲି କେନ୍ଦ୍ର ସରକାର କହିଛନ୍ତି।
Popular Categories
Previous article
Next article