ବାନ୍ଧବୀକୁ ଖୁସି କରିବାକୁ ଚୋରି କଲେ ଇଞ୍ଜିନିୟର

ନୂଆଦିଲ୍ଲୀ: ନିଜ ବାନ୍ଧବୀକୁ ଖୁସି କରିବାକୁ ଯାଇ ଜଣେ ୨୨ବର୍ଷିୟ ବି-ଟେକ୍‍ ଇଞ୍ଜିନିୟର ବୈଭବ ଖୁରାନାଙ୍କୁ ଶେଷରେ ଚୋରି କରିବାକୁ ପଡ଼ିଛି। ଆସନ୍ନ ବନ୍ଧୁତ୍ୱ ଦିବସ ଅବସରରେ ନିଜ ବାନ୍ଧବୀକୁ ଏକ “ରାଡ଼ୋ’ ଘଡ଼ି ଉପହାର ଦେବା ବୈଭବଙ୍କ ପାଇଁ ମହଙ୍ଗା ପ୍ରମାଣିତ ହୋଇଛି। ବାନ୍ଧବୀଙ୍କ ଇଚ୍ଛା ମୁତାବକ ଦୀର୍ଘ ଦିନ ଧରି ରାଡ଼ୋ ଘଡ଼ି ଉପରେ ଅନଲାଇନରେ ମିଳୁଥିବା ରିହାତି ଉପରେ ନଜର ରଖିଥିଲେ ବୈଭବ। ଦିଲ୍ଲୀର ଏକ ହୋଟେଲରେ କାର୍ଯ୍ୟରତ ବୈଭବଙ୍କ ପାଇଁ ୯୦ହଜାର ଟଙ୍କା ବିନିମୟରେ ଏଭଳି ଘଡ଼ି କିଣିବା ଅସମ୍ଭବ ହୋଇ ପଡ଼ିଥିଲା। ଏପଟେ ବାନ୍ଧବୀକୁ ନିରାଶ କରିବାକୁ ଚାହୁଁ ନଥିଲେ ବୈଭବ। ତେବେ ହଠାତ୍‍ ଅନଲାଇନରେ ୯୦ହଜାର ମୂଲ୍ୟର ରାଡୋ ଘଡ଼ି ତାଙ୍କୁ ୬୭ହଜାର ମୂଲ୍ୟରେ ମିଳି ଯାଇଥିଲା। ତରବରିଆ ଭାବେ ଉକ୍ତ ଘଡ଼ିକୁ କିଣି ନେଇଥିଲେ ବୈଭବ। ତେବେ ଏତେ ଟଙ୍କା ସଂଗ୍ରହ କରିବାରେ ସେ ବିଫଳ ହୋଇଥିଲେ। ଇତିମଧ୍ୟରେ ବୈଭବଙ୍କ ନିକଟରେ ଅନଲାଇନରେ ରାଡ଼ୋ ଘଡ଼ି ପହଞ୍ôଚ ଯାଇଥିଲା । ଏହି ଘଡ଼ିକୁ ଗ୍ରହଣ କରିବାକୁ ହେଲେ ଅନଲାଇନ କମ୍ପାନୀ ଏଜେଣ୍ଟକୁ ୬୭ହଜାର ଟଙ୍କା ଦେବାକୁ ପଡ଼ିବ। ତେଣୁ ବିକଳ୍ପ ଚିନ୍ତା କରି କମ୍ପାନୀ କର୍ମଚାରୀଙ୍କୁ କାଶ୍ମୀର ଗେଟ ମେଟ୍ରୋ ନିକଟକୁ ଆସିବାକୁ କହିଥିଲେ ବୈଭବ। ତେବେ ପାଖରେ ଏତେ ଟଙ୍କା ନଗଦ ନାହିଁ ଆଳ କରି ଏଜେଣ୍ଟକୁ ବୈଭବ ସିବିଲ ଲାଇନ ଅଞ୍ଚଳକୁ ଡାକି ନେଇଥିଲେ। ସେଠାରେ ପହଞ୍ôଚବା ପରେ ଏଜେଣ୍ଟକୁ ଗେଟ ଖୋଲିବାକୁ କହି ଘଡ଼ି ନେଇ ଚମ୍ପଟ ହୋଇ ଯାଇଥିଲେ ବୈଭବ। ଏହି ଘଟଣା ପୁଲିସ ନିକଟରେ ପହଞ୍ôଚବା ପରେ ବୈଭବଙ୍କ ମୋବାଇଲ ନମ୍ବରକୁ ଟ୍ରାକ କରି ଘଡ଼ି ଉଦ୍ଧାର କରିଛି ପୁଲିସ। ବୈଭବ ଉକ୍ତ ଘଡ଼ି ବାନ୍ଧବୀଙ୍କୁ ବନ୍ଧୁତ୍ୱ ଦିବସରେ ଉପହାର ଦେବାକୁ ନିଜ ଘରେ ସାଇତି ରଖିଥିଲେ।