ଅନୁଗୁଳ/କେନ୍ଦୁଝର : ହାତୀ ଆତଙ୍କ ବଢି ବଢି ଚାଲିଛି। ରାଜ୍ୟର ବିଭିନ୍ନ ସ୍ଥାନରେ ଗାଁ ମୁହାଁ ହୋଇଛନ୍ତି ହାତୀପଲ। ଯଦ୍ୱାରା ଲୋକେ ଭୟଭୀତ ହୋଇ ଯାଇଛନ୍ତି। କେଉଁଠି ଘର ଭାଙ୍ଗିଛନ୍ତି ତ କେଉଁଠି ଫସଲ ଉଜାଡ଼ିଛନ୍ତି। ତେବେ ନିକଟରେ ଅନୁଗୁଳ ସ୍ଥିତ ତାଳଚେର ରେଞ୍ଜ୍ ବେଲପଡ଼ା ଗାଁ’ରେ ହାତୀ ପଲ ମାତିଛନ୍ତି। ନଦୀ ଡେଇଁ ୧୬ଟି ହାତୀ ଗାଁ’କୁ ପଶିଛନ୍ତି। ହାତୀପଲଙ୍କୁ ଘଉଡ଼ାଇବା ପାଇଁ ବନ ବିଭାଗର ଉଦ୍ୟମ ଜାରି ରହିଛି। ସେହିପରି କେନ୍ଦୁଝର ସ୍ଥିତ ଚମ୍ପୁଆ ରେଞ୍ଜ୍ ସୋଲଗଡ଼ରେ ମଧ୍ୟ ହାତୀପଲ ଉତ୍ପାତ ଦେଥିବାକୁ ମିଳିଛି। ଗାଁ’ରେ ୨୨ଟି ହାତୀ ପଶି ଏକାଧିକ ଘର ଭାଙ୍ଗିଛନ୍ତି। ନେଙ୍କଡ଼ାଘର, ଜାମୁନାଳିଆ ଗାଁ’ରେ ୧୩ଟି ହାତୀ ପଶି ବହୁ ଫସଲ ନଷ୍ଟ କରିଛନ୍ତି।
