ବଲାଙ୍ଗୀର: ଦନ୍ତା ଆକ୍ରମଣରେ ଦମ୍ପତି ମୃତ। ବଲାଙ୍ଗୀର ଜିଲ୍ଲା ଖପ୍ରାଖୋଲ ରେଞ୍ଜର ଚାବିରୀପାଳି ଗାଁରେ ଅଭାବନୀୟ ଘଟଣା ଘଟିଛି। ହାତୀ ଆକ୍ରମଣରେ ସ୍ଵାମୀ ଏବଂ ସ୍ତ୍ରୀଙ୍କର ମୃତ୍ୟୁ ଘଟିଛି। ମୃତକ ନଲାମ୍ବର ବରିହା ଏବଂ ସ୍ତ୍ରୀ ଯଶୋବନ୍ତୀ ବରିହା ବୋଲି ଜଣାପଡିଛି। ମିଳିଥିବା ସୂଚନା ଅନୁସାରେ ରବିବାର ରାତିରେ ନଲାମ୍ବର ତାଙ୍କର ପତ୍ନୀ ଯଶୋବନ୍ତୀ ଏବଂ ତାଙ୍କ ପୁଅ , ବୋହୂ କ୍ଷେତ ଜଗିଥିଲେ । ଆଜି ଭୋର ସମୟରେ କିଛି ଶଦ୍ଦ ଶୁଣି ଯଶୋବନ୍ତୀ ବାହାରକୁ ଆସିଥିଲେ। ସେତେବେଳେ ଏକ ଦନ୍ତା ହାତୀ ଯଶୋବନ୍ତୀଙ୍କୁ ଆକ୍ରମଣ କରିଥିଲା। ପତ୍ନୀଙ୍କ ଚିତ୍କାର ଶୁଣି ନଲାମ୍ବର ସଙ୍ଗେସଙ୍ଗେ ବାହାରକୁ ଯିବାରୁ ହାତୀ ତାଙ୍କୁ ବି କଚାଡ଼ି ଦେଇଥିଲା। ଫଳରେ ଘଟଣାସ୍ଥଳରେ ଉଭୟ ଦମ୍ପତିଙ୍କର ମୃତ୍ୟୁ ଘଟିଥିଲା। କୌଣସି ମତେ ପୁଅ, ବୋହୂ ଘଟଣାସ୍ଥଳରୁ ଖସି ପଳାଇ ଆସିଥିଲେ। ପରେ ବନ ବିଭାଗ ଘଟଣାସ୍ଥଳରେ ପହଞ୍ଚି ହାତୀ ଘଉଡାଇବା ସହ ଅଧିକ ତଦନ୍ତ ଜାରି ରହିଛି।
Comments are closed.