ଧାମରା :ବାଂଶଡା ଥାନା ଅଧିନସ୍ଥ ଘଂଟେଶ୍ୱର ବାଲିପଦା ଗ୍ରାମର ୨ଜଣ ଶ୍ରମିକ କାର୍ଯ୍ୟ କରୁଥିବା ସମୟରେ ବିଦ୍ୟୁତ ଆଘାତରେ ଜଣକର ମୃତ୍ୟୁ ହୋଇଥିବା ବେଳେ ଆଉ ଜଣେ ଆଘାତ ପ୍ରାପ୍ତ ହୋଇଥିବା ବାଂଶଡା ଥାନାଧିକାରୀଙ୍କ ନିକଟରୁ ପ୍ରକାଶ ।
ଅପରାହ୍ଣ ସମୟରେ ବାଲିପଦା ଗ୍ରାମର ମାନସ ବେହେରା ଏବଂ ସୁରେନ୍ଦ୍ର ଦାସ ଏକ ଟେଲିଫୋନ ଖୁଂଟ ଟେକୁଥିବା ସମୟରେ ୧୧କେଭି ବିଦ୍ୟୁତ ଆଘାତ ପାଇଥିଲେ । ସଙ୍ଗେ ସଙ୍ଗେ ସେମାନଙ୍କୁ ତିହିଡି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ନିଆଯାଇଥିବା ବେଳେ ସେଠାରେ ଡାକ୍ତର ମାନସଙ୍କର ମୃତ୍ୟୁ ହୋଇଥିବା କଥା ଘୋଷଣା କରିଥିବା ବେଳେ ବିଦ୍ୟୁତ ଆଘାତ ପାଇ ସୁରେନ୍ଦ୍ର ବର୍ତମାନ ଚିକିତ୍ସାଧୀନ ଅଛନ୍ତି । ଏ ନେଇ ବାଂଶଡା ଥାନାରେ ଏକ ଅପମୃତ୍ୟୁ ମାମଲା ରୁଜୁ ହେବା ସହ କେଉଁ ପରିସ୍ଥିତିରେ ସଂପୃକ୍ତ ବ୍ୟକ୍ତି ୨ଜଣ ବିଦ୍ୟୁତ ଆଘାତ ପାଇଲେ ସେ ନେଇ ତଦନ୍ତ କରାଯିବ ବୋଲି ଥାନାଧିକାରୀ ଦେବରାଜ ଜେନା ମତବ୍ୟକ୍ତ କରିଛନ୍ତି ।
