ରେଙ୍ଗାଲି : ବିଦ୍ୟୁତ୍ ଶୁଳ୍କ ଆଦାୟରେ ପ୍ରାଥମିକତା ଦେଉଥିବା ୱେସ୍କୋ କମ୍ପାନୀ ବିପର୍ଯ୍ୟସ୍ତ ତଥା ବିପଦ ଜନକ ଅବସ୍ଥାରେ ଥିବା ଭିତ୍ତିଭୂମି ସଜାଡିବା ଦିଗରେ ଆଦୌ ଦୃଷ୍ଟି ଦେଉ ନ ଥିବାର ଜଣାପଡୁଛି। ରେଙ୍ଗାଲିରେ ଏହାର ଏକାଧିକ ଦୃଷ୍ଟାନ୍ତ ଦେଖିବାକୁ ମିଳୁଛି। ରେଙ୍ଗାଲି ଷ୍ଟେସନବସ୍ତି ପ୍ରାଥମିକ ବିଦ୍ୟାଳୟ କାନ୍ଥକୁ ଲାଗି ଜୀବନ୍ତ ତାର ଖଞ୍ଜା ଯାଇ ପୋତା ଯାଇଥିବା ବିଦ୍ୟୁତ୍ ଖୁଣ୍ଟ କାହିଁ କେତେ ଦିନ ହେଲା ବଙ୍କା ହୋଇ ସ୍କୁଲ କାନ୍ଥରେ ଆଉଜି ହୋଇଛି । ବଙ୍କା ବିଦ୍ୟୁତ୍ ଖୁଣ୍ଟ ସ୍କୁଲ କାନ୍ଥ ଓ ପାଖରେ ଥିବା ଏକ ଗଛର ଶାଖା ଡାଳ ଭରସାରେ ଅଟକି ରହିଛି। ଠିକ୍ ସେହିପରି ରେଙ୍ଗାଲି ଲେଭଲ୍ କ୍ରସିଂ ପାର୍ଶ୍ବରେ ବସାଯାଇ ଥିବା ଟ୍ରାନ୍ସଫର୍ମର ର ଚତୁଃପାର୍ଶ୍ବରେ ଅନବାନା ଗଛ ବୁଦା ଅରମା ଜଙ୍ଗଳ ଢାଙ୍କି ଦେଇଥିବାର ଦୃଷ୍ଟି ଗୋଚର ହେଉଛି। କୌଣସି ଅଘଟଣ ଘଟିବା ପୂର୍ବରୁ ବିଭାଗୀୟ କର୍ତ୍ତୃପକ୍ଷ ଏସବୁ ଅବ୍ୟବସ୍ଥାର ପ୍ରତିକାର କରିବାକୁ ଦାବି ହେଉଛି।
Comments are closed.