ଡେସ୍କ: ହିନ୍ଦୁ ଧର୍ମରେ ଯେକୌଣସି କାର୍ଯ୍ୟରେ ଶଙ୍ଖ ବଜାଇବାକୁ ପବିତ୍ର ବୋଲି ଗ୍ରହଣ କରାଯାଇଥାଏ ତେଣୁ ଶଙ୍ଖୁଆ ମାନଙ୍କ ଆବଶ୍ୟକ ପଡିଥାଏ। ଯୁଗ ଯେତେ ବଦଳିଲେ ମଧ୍ୟ ଶଙ୍ଖ ବାଦ୍ୟକୁ ଶୁଭ ସଂକେତ ଭାବେ ପରମ୍ପରାର ପ୍ରତୀକ ରୂପରେ ଲୋକମାନେ ମାନି ଆସିଛନ୍ତି।
- Advertisement -
କିନ୍ତୁ ରାଜ୍ୟର ୧୪୭ ଆସନ ବିଶିଷ୍ଟ ଓଡ଼ିଶା ବିଧାନସଭା ଓ ୨୧ଟି ଲୋକସଭା ଆସନ ପାଇଁ ନିର୍ବାଚନ ପାଖେଇ ଆସୁଥିବା ବେଳେ ‘ଶଙ୍ଖ’ ଶାସକ ବିଜୁ ଜନତା ଦଳର ପ୍ରତୀକ ହୋଇଥିବାରୁ ଦଳୀୟ ପ୍ରାର୍ଥୀମାନେ ସାରା ରାଜ୍ୟରେ ଶଙ୍ଖ ବଜାଇ ପ୍ରଚାର ଆରମ୍ଭ କରିଛନ୍ତି।
ନିର୍ବାଚନ ସମୟରେ ବିଜେଡି ପ୍ରାର୍ଥୀମାନେ ପ୍ରଚାର ସମୟରେ ଦଳୀୟ ଚିହ୍ନ ‘ଶଙ୍ଖ’ ସହ ଭୋଟରଙ୍କୁ ପରିଚିତ କରାଇବା ପାଇଁ ଶଙ୍ଖ ବଜାଇଥାନ୍ତି। ସମସ୍ତ ୧୬୮ଟି ନିର୍ବାଚନ ମଣ୍ଡଳୀ (୨୧ଟି ଲୋକସଭା ଓ ୧୪୭ଟି ବିଧାନସଭା ନିର୍ବାଚନ ମଣ୍ଡଳୀ)ରେ ବିଜେଡି ପ୍ରାର୍ଥୀଙ୍କୁ ପ୍ରଚାର ବେଳେ ଶଙ୍ଖୁଆମାନଙ୍କ ଆବଶ୍ୟକତା ବୃଦ୍ଧି ପାଇବାରେ ଲାଗିଥିବା ଜଣାପଡିଛି।
