ପାଟଣା : କେନ୍ଦୁଝର ଜିଲ୍ଲା ପାଟଣା ବ୍ଲକ କେନ୍ଦେଇପଶି ପଞ୍ଚାୟତ କେନ୍ଦୁଆପଡା ଏକଲ ବିଦ୍ୟାଳୟ ପଡିଆରେ ଅଭ୍ୟୁଦୟ ଯୁବକ ସଂଘ ଦ୍ବାରା ଆୟୋଜିତ ବାର୍ଷିକ ଖେଳକୁଦ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ପାଟଣା ସଞ୍ଚର ୧୯ଟି ଏକଲ ବିଦ୍ୟାଳୟର ଛାତ୍ରଛାତ୍ରୀ ମାନଙ୍କୁ ନେଇ ଖେଳକୁଦ ପ୍ରତିଯୋଗିତା ହୋଇଥିଲା । ସଞ୍ଚର ସଭାପତି ସତ୍ୟାନନ୍ଦ ବେହେରାଙ୍କ କର କମଳରେ ଏହା ଉଦଘାଟିତ ହୋଇଥିଲା। ସମ୍ମାନିତ ଅତିଥି ଭାବେ ପିତାମ୍ବର ମହାନ୍ତ ଯୋଗ ଦେଇ ଥିଲେ। ଏଥିରେ ଆଥଲେଟିକ୍ ୧ ଶହ ମିଟର, ୨ଶହ ମିଟର, ୪ଶହ ମିଟର, ଲମ୍ବ ଡିଆଁ, ଉଚ୍ଚଡିଆଁ, କବାଡି ଆଦି ଖେଳ ହୋଇଥଲା। ଏଥିରେ ୧୫୦ଜଣ ଛାତ୍ର ଛାତ୍ରୀ ଅଂଶ ଗ୍ରହଣ କରିଥିଲେ। ଏଥିରେ ୩୪ଜଣ ପ୍ରଥମ ସ୍ଥାନ ଅଧିକାର କରିଥିଲେ। କେନ୍ଦୁଝର ଜିଲ୍ଲାର ଗ୍ରାମ ସ୍ଵରାଜ ପ୍ରମୁଖ ହେମଲତା ମହାନ୍ତ କାର୍ଯ୍ୟକ୍ରମରେ ଉପସ୍ଥିତ ଥିଲେ । ଶିକ୍ଷୟତ୍ରି ଗୀତାଞ୍ଜଳି ମହାନ୍ତ ଖେଳ ପରିଚାଳନା କରିଥିଲେ । ପାଟଣା ସଞ୍ଚର ସୁଲୋଚନା ମହାରଣା, ଏକଲବ୍ୟ ବିଦ୍ୟାଳୟର ଆଚାର୍ଯ୍ୟ ସୁମିତ୍ରା ନାଏକ, ରତ୍ନମଣି ମହାନ୍ତ, ତୁଳସୀ ମହାନ୍ତ, ମଞ୍ଜୁଲଲା ମହାନ୍ତ, ସତ୍ୟଭାମା ମହାନ୍ତ, ହିରାବତୀ, ମହାନ୍ତ ସୁଶୀଳା ମହାନ୍ତ ପ୍ରମୁଖ ଯୋଗ ଦେଇ ସହଯୋଗ କରିଥିଲେ। ଏହି କାର୍ଯ୍ୟକ୍ରମ ପୁରସ୍କାର ବିତରଣ ଉତ୍ସବରେ ପାଟଣା ସଞ୍ଚର ସମ୍ପାଦକ ବ୍ରହ୍ମାନନ୍ଦ ସାହୁ ମୁଖ୍ୟ ଅତିଥି ଭାବେ ଯୋଗଦେଇ ଛାତ୍ର ଛାତ୍ରୀ ମାନଙ୍କୁ ପୁରସ୍କାର ପ୍ରଦାନ କରିଥିଲେ। ଯୁବ ସାମ୍ବାଦିକ ବିଜୟ କୁମାର ମହାନ୍ତ, ଖେଳ ପରିଚାଳନାରେ ଯୋଗ ଦେଇଥିଲେ। ଏଥି ସହିତ ଗ୍ରାମର ଯୁବକ ତଥା ଗ୍ରାମବାସୀ ଖେଳକୁଦ ପ୍ରତିଯୋଗିତାରେ ଉପସ୍ଥିତ ଥିଲେ।
Comments are closed.